Texts

athātaḥ krayasyaivopavasathaḥ paryāplavate // (1) Par.?

sa upakalpayate candraṃ ca chāgāṃ ca kṛṣṇabalakṣyāv ūrṇāstuke uṣṇīṣaṃ dve vāsasī dve kṛṣṇājine somakrayaṇīṃ saiṣāruṇā piṅgalaikahāyanī bhavati somavāhanāv anaḍvāhau somavāhanam anaḥ prakṣālitam uddhṛtaphalakaṃ rohitaṃ carmānaḍuhaṃ dvayam idhmābarhiḥ kārṣmaryamayān paridhīn āśvavālaṃ prastaram aikṣavī vidhṛtī sthālīṃ paddharaṇīm aṃśugrahaṇaṃ hiraṇyam audumbarīṃ rājāsandīṃ tasyai nābhidaghnāḥ pādā bhavanty aratnimātrāṇi śīrṣāṇy anūcyāni // (2) Par.?

sā mauñjībhī rajjubhir vyūtā bhavaty ekasarābhiḥ // (3) Par.?

manāgvarṣīyasīm iva samrāḍāsandīṃ yadi pravargyavān somo bhavati // (4) Par.?

athādhvaryur apararātra ādrutya saṃśāsti tristanavrataṃ dohayateti // (5) Par.?

prātarudita āditye visṛṣṭāyāṃ vācy agreṇa śālāṃ tiṣṭhan devayajanam adhyavasyati yadi purastād anadhyavasitaṃ bhavati // (6) Par.?

athāhaihi yajamāneti // (7) Par.?

pūrvayā dvārā śālāṃ prapādya pṛṣṭhyāṃ stīrtvāpaḥ praṇīyādityaṃ carum prāyaṇīyām iṣṭiṃ nirvapati // (8) Par.?

haviṣkṛtā vācaṃ visṛjya gārhapatya ājyaṃ vilāpyotpūyāhavanīye sruvāhutiṃ juhoti kavir yajñasya vitanoti panthām nākasya pṛṣṭhe adhi rocane divaḥ / (9.1) Par.?

yena havyaṃ vahasi yāsi dūta itaḥ pracetā amutaḥ sanīyān svāheti // (9.2) Par.?

athopaniṣkramya saṃpraiṣam āha somavikrayin somaṃ śodhaya uparavāṇāṃ kāle rohite carmaṇy ānaḍuhe 'pām ante brāhmaṇo dakṣiṇata āstām tā gāvo dūraṃ mā gur yāsu somakrayaṇī ca somavāhanau cānaḍvāhau somavāhanam anaḥ prakṣālayatoddhṛtaphalakam iti // (10) Par.?

yathāsaṃpraiṣaṃ te kurvanti // (11) Par.?

athaitenaiva yathetam etya // (12) Par.?

athaitaṃ caruṃ śrapayitvābhighāryodañcam udvāsya ṣaḍḍhotrā prāyaṇīyam āsādayati // (13) Par.?

samānaṃ karmā prayājebhyaḥ // (14) Par.?

pañca prayājān iṣṭvodaṅṅ atyākramya saṃsrāveṇa pañcakṛtvo dhruvām abhighārya carum abhighārayaty upabhṛtam antataḥ // (15) Par.?

atha catura ājyasya gṛhṇāna āha // (16) Par.?