Texts

Select a text:
Bibliography

Select a chapter:
(no revisions)

Associated topic(s): agniṣṭoma, somakraya, -vikraya, buying Soma

Show parallels Show headlines
Use dependency labeler

Chapter id: 16610

Click on a sentence to show its analysis
Keep the mouse pointer over a lemma to show its meanings.

somāya krītāya prohyamāṇāyānubrūhi subrahmaṇya subrahmaṇyām āhvaya mā tu tvam āhvā yajamāna āhvāsyatīti // (1) Par.?

yadā yajamānas trir upāṃśv āhvayate 'thaiṣa subrahmaṇyo 'ntareṇeṣe tiṣṭhan palāśaśākhāṃ dhārayan subrahmaṇyām āhvayati subrahmaṇyoṃ subrahmaṇyom iti triḥ // (2) Par.?

trir uktāyāṃ pracyāvayanti pracyavasva bhuvaspate viśvāny abhi dhāmāni mā tvā pariparī vidan mā tvā paripanthino vidan mā tvā vṛkā aghāyavo mā gandharvo viśvāvasur ādaghacchyeno bhūtvā parāpata yajamānasya no gṛhe devaiḥ saṃskṛtam iti // (3) Par.?

pradakṣiṇaṃ rājānaṃ parivahanti // (4) Par.?

athaitāv añjasopasaṃkrāmato 'dhvaryuś ca yajamānaś ca yajamānasya svastyayany asi api panthām agasmahi svastigām anehasam yena viśvāḥ pari dviṣo vṛṇakti vindate vasviti // (5) Par.?

athāgreṇa śālāṃ tiṣṭhann ohyamānaṃ rājānaṃ pratimantrayate namo mitrasya varuṇasya cakṣase maho devāya tad ṛtaṃ saparyata dūredṛśe devajātāya ketave divas putrāya sūryāya śaṃsateti // (6) Par.?

athaitat somavāhanam ano 'greṇa śālām udagīṣam upasthāpayanti // (7) Par.?

tad upastabhnoti varuṇasya skambhanam asīti // (8) Par.?

varuṇasya skambhasarjanam asīti śamyām udgūhati // (9) Par.?

unmukto varuṇasya pāśa iti yoktram // (10) Par.?

atha vai bhavati // (11) Par.?

vimukto 'nyo 'naḍvān bhavaty avimukto 'nyo 'thātithyaṃ gṛhṇāti yajñasya saṃtatyai patny anvārabhata iti brāhmaṇam // (12) Par.?

athāhaihi yajamāneti // (13) Par.?

pūrvayā dvārā śālāṃ prapādya pṛṣṭhyāṃ stīrtvāpaḥ praṇīyātithyaṃ nirvapaty anvārabdhāyāṃ patnyām // (14) Par.?

atha devasya tvā savituḥ prasava iti pratipadaṃ kṛtvā // (15) Par.?

Duration=0.056908845901489 secs.