Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma
Show parallels Show headlines
Use dependency labeler
Chapter id: 16623
- Click on a sentence to show its analysis
- Keep the mouse pointer over a lemma to show its meanings.
agnaya ity upāṃśv anubrūhīty uccaiḥ // (1) Par.?
atyākramyāśrāvyāhāgnim ity upāṃśu yajety uccaiḥ // (2) Par.?
vaṣaṭkṛte pūrvārdhe 'rdhavelāṃ juhoti // (3) Par.?
athātraiva tiṣṭhann āha somāyety upāṃśv anubrūhīty uccaiḥ // (4) Par.?
āśrāvyāha somam ity upāṃśu yajety uccaiḥ // (5) Par.?
vaṣaṭkṛte madhye juhoti // (6) Par.?
atha samānayamāna āha viṣṇava ity upāṃśv anubrūhīty uccaiḥ // (7) Par.?
āśrāvyāha viṣṇum ity upāṃśu yajety uccaiḥ // (8) Par.?
vaṣaṭkṛte paścāt sarvaṃ juhoti // (9) Par.?
athodaṅṅ atyākramya yathāyatanaṃ srucau sādayitvāthāhāgnīn madanty āpā3 iti // (10) Par.?
madanti devīr amṛtā ṛtāvṛdha iti // (11) Par.?
tābhir ādraveti // (12) Par.?
atha madantīr upaspṛśyopotthāya visrasya hiraṇyam avadhāya rājānam āpyāyayanty aṃśur aṃśus te deva somāpyāyatām indrāyaikadhanavida ā tubhyam indraḥ pyāyatām ā tvam indrāya pyāyasveti // (13) Par.?
yajamānam ativācayaty āpyāyaya sakhīnt sanyā medhayā svasti te deva soma sutyām aśīyeti // (14) Par.?
athāpa upaspṛśya yathāyatanam upaviśanti // (15) Par.?
athādhvaryur vājavatībhyāṃ srucau vyūhati // (16) Par.?
vidhṛtībhyāṃ prastaraṃ samullupyāpratiśṛṇaṃs tredhānakti // (17) Par.?
na prastarāyāśrāvayati // (18) Par.?
na barhir anupraharati // (19) Par.?
taṃ dakṣiṇārdhe vedyai nidhāya tasmin dakṣiṇottariṇo nihnuvata eṣṭā rāyaḥ preṣe bhagāyartam ṛtavādibhyo namo dive namaḥ pṛthivyā iti // (20) Par.?
savye pāṇau prastaraṃ samāvṛtyājyasthālyāḥ sruveṇopahatya prathamām upasadaṃ juhoti yā te agne 'yāśayā tanūr varṣiṣṭhā gahvareṣṭhograṃ vaco apāvadhīm tveṣaṃ vaco apāvadhīṃ svāheti // (21) Par.?
paridhiṣu śakalān upasaṃgṛhṇāti prastare barhir yāvanmātraṃ spandyayā vigrathyāhavanīye 'tivālyādbhir abhyukṣyottarataḥ sādayati // (22) Par.?
athopaniṣkramya saṃpraiṣam āha subrahmaṇya subrahmaṇyām āhvaya tristanavrataṃ prayacchateti // (23) Par.?
āhvayati subrahmaṇyaḥ subrahmaṇyām // (24) Par.?
tristanavrataṃ prayacchati // (25) Par.?
athāparāhṇa āparāhṇikībhyāṃ pravargyopasadbhyāṃ pracarati // (26) Par.?
tayoḥ samānī caryaitāvad eva nānā // (27) Par.?
savyottariṇo nihnuvate // (28) Par.?
athopaniṣkramya saṃpraiṣam āha subrahmaṇya subrahmaṇyām āhvaya tristanavrataṃ dohayateti // (29) Par.?
āhvayati subrahmaṇyaḥ subrahmaṇyāṃ tristanavrataṃ dohayati // (30) Par.?
tad ardharātre prayacchati // (31) Par.?
Duration=0.065944910049438 secs.