Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, havirdhāna

Show parallels  Show headlines
Use dependency labeler
Chapter id: 16629
  • Click on a sentence to show its analysis
  • Keep the mouse pointer over a lemma to show its meanings.
havirdhānābhyāṃ pravartyamānābhyām anubrūhīti // (1) Par.?
triruktāyāṃ pravartayanti prācī pretam adhvaraṃ kalpayantī ūrdhvaṃ yajñaṃ nayataṃ mā jīhvaratam iti // (2) Par.?
atha yady akṣa utsarjati suvāg deva duryāṃ āvadety eva tatra japati // (3) Par.?
athaitāv añjasopasaṃkrāmato 'dhvaryuś ca pratiprasthātā ca // (4) Par.?
uttareṇa havirdhāne parītya pūrvāv upātītya madhyamād auttaravedikāc chaṅkor anuspandyaṃ trīn pratīcaḥ prakramān prakrāmataḥ // (5) Par.?
tad enayor nabhyasthayoś cubuke ramayato 'tra ramethāṃ varṣman pṛthivyā iti // (6) Par.?
atha divo vā viṣṇav uta vā pṛthivyā ity āśīrpadayarcādhvaryur dakṣiṇasya havirdhānasya dakṣiṇato methīṃ nihanti // (7) Par.?
athaināṃ spandyayā sūpanibaddhām upanibadhnāti viṣṇor nu kaṃ vīryāṇi pravocam iti // (8) Par.?
evam eva pratiprasthātottarasya havirdhānasyottarato methīṃ nihanti // (9) Par.?
athaināṃ spandyayā sūpanibaddhām upanibadhnāty etenaiva mantreṇa // (10) Par.?
athādhvaryur dakṣiṇasya havirdhānasya cubukāt prāñcam aratniṃ mītvā loke nyasya gartaṃ khānayati // (11) Par.?
atha dakṣiṇād yugāntāt prāñcaṃ bāhuṃ mītvā loke nyasya gartaṃ khānayati // (12) Par.?
tāv ubhāv uttareṇānyaṃ gartaṃ khānayati // (13) Par.?
evam eva pratiprasthātottaratas trīn gartān khānayati // (14) Par.?
evam aparataḥ // (15) Par.?
teṣu prācīnakarṇā sthūṇā ucchrayanti // (16) Par.?
tāsūdañcau vaṃśau prohanti // (17) Par.?
adhyasyanti purastād rarāṭīṃ viṣṇo rarāṭam asīti // (18) Par.?
viṣṇoḥ pṛṣṭham asīti madhyamaṃ chadir adhinidadhāti // (19) Par.?
viṣṇo śnyaptre stha iti ye abhito bhavataḥ // (20) Par.?
dakṣiṇataś cottarataś ca pariśrayanti // (21) Par.?
prācīṃ ca pratīcīṃ ca dvārau kurvanti // (22) Par.?
atha dakṣiṇe dvārbāhau kuśahastam upanigṛhya darbhaṇaṃ pravayati darbhaṇe spandyām viṣṇoḥ syūr asīti // (23) Par.?
viṣṇor dhruvam asīti granthiṃ karoti // (24) Par.?
taṃ tadānīm eva visrasyāhākurvanto granthīn hastakauśalair nistiṣṭhateti // (25) Par.?
evam evottaraṃ dvārbāhum // (26) Par.?
evam apare dvārbāhū nistiṣṭhati // (27) Par.?
athainad abhimṛśati vaiṣṇavam asi viṣṇave tveti // (28) Par.?
athādhvaryuḥ pradakṣiṇam āvṛtya pratyaṅṅ ādrutya śālāmukhīyāc chaṅkor anuspandyaṃ ṣaṭ prācaḥ prakramān prakrāmati dakṣiṇā saptamam // (29) Par.?
tad abhriṃ nidadhāti // (30) Par.?
sa audumbaryai kālaḥ // (31) Par.?
audumbaryai kālād abhrim ādatte // (32) Par.?
Duration=0.25910782814026 secs.