Texts

athāntareṇa havirdhāne upaviśya dadhigharmāya dadhi yācati // (1.1) Par.?

tad āhṛtam avekṣate jyotir asi vaiśvānaraṃ pṛśniyai dugdham iti // (2.1) Par.?

barhiṣī antardhāya kaṃse vā camase vā gṛhṇāti yāvatī dyāvāpṛthivī mahitvā yāvac ca sapta sindhavo vitasthuḥ / (3.1) Par.?

tāvantam indra te grahaṃ sahorjā gṛhṇāmy astṛtam iti // (3.2) Par.?

apoddhṛtya barhiṣī athainaṃ śrīṇāti vāk ca tvā manaś ca śrīṇītāṃ prāṇaś ca tvāpānaś ca śrīṇītāṃ cakṣuś ca tvā śrotraṃ ca śrīṇītāṃ dakṣaś ca tvā balaṃ ca śrīṇītām ojaś ca tvā sahaś ca śrīṇītām āyuś ca tvā jarā ca śrīṇītām ātmā ca tvā tanūś ca śrīṇītāṃ śṛto 'si śṛtaṃkṛtaḥ śṛtāya tvā śṛtebhyas tvā śṛtaṃ kṛṇv iti // (4.1) Par.?

athāha hotar vadasva yat te vādyam iti // (5.1) Par.?

athainam ādāyopottiṣṭhann āha śrātaṃ havir iti // (6.1) Par.?

atyākramyāśrāvyāha dadhigharmasya yajeti // (7.1) Par.?

vaṣaṭkṛte juhoti yam indram āhur varuṇaṃ yam āhur yaṃ mitram āhur yam u satyam āhuḥ / (8.1) Par.?

yo devānāṃ devatamas tapojās tasmai tvā tebhyas tvā svāheti // (8.2) Par.?

anuvaṣaṭkṛte hutvā harati bhakṣam // (9.1) Par.?

sa yāvantaḥ pravargyasyartvijas teṣūpahavam iṣṭvā yajamāna eva pratyakṣaṃ bhakṣayati mayi tyad indriyaṃ mahan mayi dakṣo mayi kratuḥ / (10.1) Par.?

mayi dhāyi suvīryaṃ triśug gharmo vibhātu me // (10.2) Par.?

ākūtyā manasā saha virājā jyotiṣā saha / (11.1) Par.?

yajñena payasā saha brahmaṇā tejasā saha / (11.2) Par.?

kṣatreṇa yaśasā saha satyena tapasā saha / (11.3) Par.?

tasya doham aśīmahi tasya sumnam aśīmahi / (11.4) Par.?

tasya bhakṣam aśīmahi tasya ta indreṇa pītasya madhumata upahūtasyopahūto bhakṣayāmīti // (11.5) Par.?

nirṇijya pātraṃ prayacchati // (12.1) Par.?

tathā savanīyān puroḍāśān yācati // (13.1) Par.?

teṣāṃ tathaiva samavadyann āha mādhyaṃdinasya savanasyendrāya puroḍāśānām avadīyamānānām anubrūhīti // (14.1) Par.?

pūrvārdhād avadāyāparārdhād avadyati // (15.1) Par.?

abhighārayati // (16.1) Par.?

pratyanakti // (17.1) Par.?

tathopabhṛti sviṣṭakṛte sarveṣāṃ sakṛtsakṛd uttarārdhād avadyati // (18.1) Par.?

dvir abhighārayati // (19.1) Par.?

na pratyanakti // (20.1) Par.?

atyākramyāśrāvyāha mādhyaṃdinasya savanasyendrāya puroḍāśān prasthitān preṣyeti // (21.1) Par.?

vaṣaṭkṛte juhoti // (22.1) Par.?

tathā samāvapamāna āhāgnaye 'nubrūhīti // (23.1) Par.?

āśrāvyāhāgnaye preṣyeti // (24.1) Par.?

vaṣaṭkṛta uttarārdhapūrvārdhe 'tihāya pūrvā āhutīr juhoti // (25.1) Par.?

tathodaṅṅ atyākramya yathāyatanaṃ srucau sādayitvā tathaiva pātryām iḍāṃ samavadhāya pratīcaḥ puroḍāśān prahiṇoti // (26.1) Par.?

anu haike saṃyanti paśava iḍeti vadantaḥ // (27.1) Par.?

atha prāṅ āyann āhonnīyamānebhyo 'nubrūhi // (28.1) Par.?