Texts

atha paśunā carati manotāprabhṛtineḍāntena // (1) Par.?

tathā savanīyān puroḍāśān yācati // (2) Par.?

teṣāṃ tathaiva samavadyann āha tṛtīyasya savanasyendrāya puroḍāśānām avadīyamānānām anubrūhīti // (3) Par.?

pūrvārdhād avadāyāparārdhād avadyati // (4) Par.?

abhighārayati // (5) Par.?

pratyanakti // (6) Par.?

tathopabhṛti sviṣṭakṛte sarveṣāṃ sakṛtsakṛd uttarārdhād avadyati // (7) Par.?

dvir abhighārayati // (8) Par.?

na pratyanakti // (9) Par.?

atyākramyāśrāvyāha tṛtīyasya savanasyendrāya puroḍāśān prasthitān preṣyeti // (10) Par.?

vaṣaṭkṛte juhoti // (11) Par.?

tathā samāvapamāna āhāgnaye 'nubrūhīti // (12) Par.?

āśrāvyāhāgnaye preṣyeti // (13) Par.?

vaṣaṭkṛta uttarārdhapūrvārdhe 'tihāya pūrvā āhutīr juhoti // (14) Par.?

athodaṅṅ atyākramya yathāyatanaṃ srucau sādayitvā tathaiva pātryām iḍāṃ samavadhāya pratīcaḥ puroḍāśān prahiṇoti // (15) Par.?

anu haike saṃyanti paśava iḍeti vadantaḥ // (16) Par.?

atha prāṅ āyann āhonnīyamānebhyo 'nubrūhi hotuś camasam anūnnayadhvaṃ tīvrāṁ āśīrvataḥ kurudhvam unnetaḥ somaṃ prabhāvayeti // (17) Par.?

hotṛcamasam eva prathamam unnayanti // (18) Par.?

yathopapādam itarān // (19) Par.?

samunnīyottaravedyāṃ saṃsādayanti // (20) Par.?

atha prāṅ etya hotṛcamasam ādāyāśrāvyāha tṛtīyasya savanasyarbhumato vibhumataḥ prabhumato vājavataḥ savitṛvato bṛhaspativato viśvadevyāvatas tīvrāṁ āśīrvata indrāya somān prasthitān preṣyeti // (21) Par.?

vaṣaṭkṛte juhoti śyenāya patvane svāheti // (22) Par.?

anuvaṣaṭkṛte tṛmpantāṃ hotrā madhor ghṛtasya svāheti // (23) Par.?

vaṣaṭkṛtānuvaṣaṭkṛte dvir juhoti // (24) Par.?

tathaiva dvirdviḥ sarvāṃś camasāñ juhvati // (25) Par.?

tathā saṃpraiṣam āha praitu hotuś camasaḥ pra brahmaṇaḥ prodgātuḥ pra yajamānasya pra sadasyasya hotrakāṇāṃ camasādhvaryavaḥ sakṛtsakṛd āśīrvato 'bhyunnīyopāvartadhvam iti // (26) Par.?

yanty ete mahartvijāṃ camasāḥ // (27) Par.?

tathaite hotrakāṇāṃ camasādhvaryavaḥ sakṛtsakṛd āśīrvato 'bhyunnīyopāvartante // (28) Par.?

teṣāṃ tathaiva maitrāvaruṇacamasam ādāyāśrāvyāha praśāstar yajeti // (29) Par.?

vaṣaṭkṛte juhoti viṣṭambhāya dharmaṇe svāheti // (30) Par.?

paridhaye janaprathanāyeti brāhmaṇācchaṃsinaḥ // (31) Par.?

ūrje hotrāṇām iti potuḥ // (32) Par.?

payase hotrāṇām iti neṣṭuḥ // (33) Par.?

prajāpataye manava ity acchāvākasya // (34) Par.?

ṛtam ṛtapāḥ suvarvāḍ ity agnīdhaḥ // (35) Par.?

camasaṃ camasam evānuvaṣaṭkaroti tṛmpantāṃ hotrā madhor ghṛtasya svāheti // (36) Par.?

sapta hotrāḥ saṃyājya pradakṣiṇam āvṛtya pratyaṅṅ ādrutyāgreṇa hotāram upaviśaty ayāḍ agnīd iti // (37) Par.?

sa bhadram akar ity āha hotā yo naḥ somaṃ rājānaṃ pāyayiṣyatīti // (38) Par.?

tathāpa upaspṛśya hotra iḍām upodyacchante // (39) Par.?

upahūyamānāyām iḍāyām upapragṛhṇanti camasān // (40) Par.?

upahūtāyām iḍāyām agnīdha ādadhāti ṣaḍavattam // (41) Par.?

prāśnanti // (42) Par.?

mārjayante // (43) Par.?

iḍopahūtāṃś camasān bhakṣayanti bhakṣehi māviśeti dīrghabhakṣam anudrutyādityavadgaṇasya soma deva te matividas tṛtīyasya savanasya jagatīchandasa indrapītasya madhumata upahūtasyopahūto bhakṣayāmīti // (44) Par.?

hotṛcamasam evaite trayaḥ samupahūya bhakṣayanti // (45) Par.?

yathācamasaṃ camasān // (46) Par.?

hinva ma ity ātmānaṃ pratyabhimṛśante // (47) Par.?

āpyāyayanti camasān āpyāyasva sametu ta iti // (48) Par.?

sīdanti nārāśaṃsā āpyāyitā dakṣiṇasya havirdhānasyāpālambam adho'dha upāsanavanto vaiśvadevāya // (49) Par.?

camasāya camasāyaiva trīṃstrīn puroḍāśaśakalān upāsyati // (50) Par.?

nava hotṛcamase // (51) Par.?

tān ata evānumantrayate 'tra pitaro yathābhāgaṃ mandadhvam iti // (52) Par.?

etasmin kāla āgnīdhre yajamānaḥ puroḍāśānāṃ prāśnāti // (53) Par.?

yad aśanā syāt patnī patnīśāle // (54) Par.?