Texts

Help

Select a text:
Bibliography

Select a chapter:
(no revisions)

Associated topic(s): agnyādhāna, agnyādheya

Show parallels Show headlines
Use dependency labeler

Chapter id: 16743

Click on a sentence to show its analysis
Keep the mouse pointer over a lemma to show its meanings.

taṃ caturdhā vyuddhṛtya prabhūtena sarpiṣopasicya ṛtvigbhyo dadāti // (1) Par.?

te prāśyācamya rāddhas te brahmaudana iti praśāsanti // (2) Par.?

tebhyo vatsataraṃ dadāti // (3) Par.?

sthālyām ājyaśeṣam ānayati // (4) Par.?

tasminn ārdrāḥ sapalāśāḥ prādeśamātrīr lakṣaṇyāśvatthasya tisraḥ samidho 'bhyajya citriyād aśvatthād ity abhimantrya samidhāgniṃ duvasyatopa tvāgne haviṣmatīs taṃ tvā samidbhir aṅgira iti tisṛbhir gāyatrībhir brāhmaṇasya brāhmaudanike 'gnāv ādadhāti samidhyamānaḥ prathamo nu gharma iti triṣṭubbhī rājanyasya tvām agne samidhānaṃ yaviṣṭheti jagatībhir vaiśyasya // (5) Par.?

atra mithunāv asiktaretasau gāvau dadāti // (6) Par.?

etam agnim ito dhārayanty ekāhaṃ dvyahaṃ tryahaṃ caturahaṃ dvādaśāham ṛtuṃ saṃvatsaraṃ vā // (7) Par.?

anugata etasminn agnau prayāṇe yajamānasya ca punar evaṃ vihitaṃ brahmaudanaṃ // (8) Par.?

brāhmaudaniko yajamāno vrataṃ carati // (9) Par.?

na striyam upaiti na māṃsam aśnāti nāsya gṛhād agniṃ haranti nānyataś cāharanti // (10) Par.?

yadi saṃvatsare nādhātuṃ śaknuyāt punar evaṃ brahmaudanaṃ vihitaṃ // (11) Par.?

śva ādhāsyamānaś ca brahmaudanaṃ pacaty adhvaryuś caitāṃ rātrim etad vrataṃ carati // (12) Par.?

prajā agne saṃvāsayety uttareṇa gārhapatyāyatanaṃ kalmāṣam ajaṃ saṃyacchet // (13) Par.?

śalkair agnim indhāna iti śalkais tāṃ rātriṃ vinidro yajamāno 'gnim inddhe // (14) Par.?

Duration=0.059981822967529 secs.