Texts

atha hotāraṃ vipṛcchati pariyakṣyasi saumyā3ṃ na pariyakṣyasī3 iti // (1) Par.?

sa yathainaṃ hotā pratyāha tac chrutvāsannaṃ saumyam āgacchati // (2) Par.?

atha sruci caturgṛhītaṃ gṛhītvātyākramyāśrāvyāha ghṛtasya yajeti // (3) Par.?

vaṣaṭkṛte juhoti // (4) Par.?

athopastīrya dviś caror avadyati // (5) Par.?

pūrvārdhād avadāyāparārdhād avadyati // (6) Par.?

abhighārayati // (7) Par.?

na pratyanakti // (8) Par.?

atyākramyāśrāvyāha saumyasya yajeti // (9) Par.?

vaṣaṭkṛte dakṣiṇārdhapūrvārdhe prācīnāvītī saumyaṃ juhoti // (10) Par.?

athainaṃ vaiṣṇavyarcā sruvāhutyābhijuhoti viṣṇo tvaṃ no antama iti // (11) Par.?

yady u vai hotāgnāvaiṣṇavyarcā pariyajati sampannam iti nādriyeta // (12) Par.?

tasminn ājyam ānīyāvekṣate // (13) Par.?

pavitraṃ vai saumyaḥ // (14) Par.?

ātmānam eva pavayante // (15) Par.?

ya ātmānaṃ na paripaśyed itāsuḥ syāt // (16) Par.?

abhidadiṃ kṛtvāvekṣeteti // (17) Par.?

tasmin bhūya ājyam ānīyāvekṣate yan me manaḥ parāgataṃ yad vā me aparāgatam / (18.1) Par.?

rājñā somena tad vayam asmāsu dhārayāmasīti // (18.2) Par.?

mana evātman dādhāra na gatamanā bhavatīti brāhmaṇam // (19) Par.?

athainam udgātṛbhyo haranti // (20) Par.?

tasmiṃs tac ceṣṭanti yat te viduḥ // (21) Par.?

atha prāṅ āyann āha pratiprasthātar upāṃśupātreṇa pātnīvatam āgrayaṇād grahaṃ gṛhītvopāsva mā sīṣada iti // (22) Par.?

tac chrutvā pratiprasthātopāṃśupātreṇa pātnīvatam āgrayaṇād grahaṃ gṛhṇāty upayāmagṛhīto 'si bṛhaspatisutasya ta indo indriyāvataḥ patnīvantaṃ grahaṃ gṛhṇāmy agnā3i patnīvā3 iti // (23) Par.?

barhiṣī antardhāya ghṛtena śrīṇāty ahaṃ parastād aham avastād ahaṃ jyotiṣā vi tamo vavāra / (24.1) Par.?

yad antarikṣaṃ tad u me pitābhūd ahaṃ sūryam ubhayato dadarśāhaṃ bhūyāsam uttamaḥ samānānām iti // (24.2) Par.?

apoddhṛtya barhiṣī na sādayatīti brāhmaṇam // (25) Par.?

asādayitvopaniṣkramyāśrāvyāhāgnīt pātnīvatasya yajeti // (26) Par.?

vaṣaṭkṛte juhoti sajūr devena tvaṣṭrā somaṃ piba svāhety upāṃśv anuvaṣaṭkṛte hutvā harati bhakṣam // (27) Par.?

sa yady asminn āgnīdhra upahavam icchata upaivainaṃ hvayate // (28) Par.?

no tv eva saṃbhakṣayataḥ // (29) Par.?

athāhāgnīn neṣṭur upastham āsīda neṣṭaḥ patnīm udānayodgātrā saṃkhyāpyāpa upapravartayatād ūruṇopapravartayatān nagnaṃ kṛtvorum upapravartayatāddhotuś camasam anūnnayadhvam unnetaḥ sarvaśa eva rājānam unnaya mātirīricaḥ pratiprasthātar hotṛcamase dhruvāyāvakāśaṃ kurutād ehi yajamāneti // (30) Par.?

pūrvayā dvārā havirdhānaṃ prapādya yajamānaṃ dhruvam upasthāpayati bhūtam asi bhūte mā dhā mukham asi mukhaṃ bhūyāsam iti // (31) Par.?

hotṛcamasam eva prathamam unnayanti // (32) Par.?

yathopapādam itarān // (33) Par.?

sarvaśa eva rājānaṃ samunnīyottaravedyāṃ saṃsādayanti // (34) Par.?

athāpa upaspṛśya barhiṣī ādāya vācaṃyamaḥ pratyaṅ drutvā stotram upākaroti // (35) Par.?

stuvate yajñāyajñiyena // (36) Par.?

atra saptahotāraṃ vyācaṣṭe // (37) Par.?

prastute sāmni neṣṭā patnīm udgātrā saṃkhyāpya vācayati viśvasya te viśvāvato vṛṣṇiyāvatas tavāgne vāmīr anu saṃdṛśi viśvā retāṃsi dhiṣīyāgan devān yajño ni devīr devebhyo yajñam aśiṣann asmint sunvati yajamāna āśiṣaḥ svāhākṛtāḥ samudreṣṭhā gandharvam ātiṣṭhatānu vātasya patmann iḍa īḍitā iti // (38) Par.?

sa yad evainām udgātopamīvati tad eṣā patny ūruṇā pannejanīr upapravartayati // (39) Par.?

nagnaṃ kṛtvorum upapravartayati // (40) Par.?