Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16752

Click on a sentence to show its analysis
Keep the mouse pointer over a lemma to show its meanings.

iṣṭayajuṣas te deva soma stutastomasya śastokthasya harivata indrapītasya madhumata upahūtasyopahūto bhakṣayāmīti // (1) Par.?

athainā nirṇijyottaravedyāṃ saṃnivapanty āpūryā sthā mā pūrayata prajayā ca dhanena ceti // (2) Par.?

nivapann eva yajamānas tisro dhānāḥ sacate // (3) Par.?

atha yācati sphyam udapātraṃ barhir iti // (4) Par.?

etat samādāyāhaihi yajamāneti // (5) Par.?

jaghanena dakṣiṇena havirdhāne parītya dakṣiṇena mārjālīyaṃ dhiṣṇiyaṃ sphyenoddhatyāvokṣya dakṣiṇāgraṃ barhi stīrtvādbhir mārjayati mārjayantāṃ pitaro mārjayantāṃ pitāmahā mārjayantāṃ prapitāmahā iti // (6) Par.?

atha tisro dhānā dadāty etat te tatāsau ye ca tvām anv etat te pitāmahāsau ye ca tvām anv etat te prapitāmahāsau ye ca tvām anv iti // (7) Par.?

atra pitaro yathābhāgaṃ mandadhvam ity uktvodaṅ paryāvṛtyātra ṣaḍḍhotāraṃ vyācaṣṭe // (8) Par.?

athābhiparyāvṛtya tathaivādbhir mārjayitvaitenaiva yathetam etyāgnīdhrīye dve sruvāhutī juhoti yan ma ātmano mindābhūt punar agniś cakṣur adād iti dvābhyām // (9) Par.?

athāhavanīye śākalaiś caranti devakṛtasyainaso 'vayajanam asi svāhā manuṣyakṛtasyainaso 'vayajanam asi svāhā pitṛkṛtasyainaso 'vayajanam asi svāheti // (10) Par.?

athāpsuṣomān paryupaviśyāvaghreṇa bhakṣayanty apsu dhautasya soma deva te nṛbhiḥ sutasyeṣṭayajuṣa stutastomasya śastokthasya yo bhakṣo aśvasanir yo gosanis tasya te pitṛbhir bhakṣaṃkṛtasyopahūtasyopahūto bhakṣayāmīti // (11) Par.?

athainā ninīyopotthāyādityam upatiṣṭhante // (12) Par.?

Duration=0.032871961593628 secs.