Texts

Help

Select a text:
Bibliography

Select a chapter:
(no revisions)

Associated topic(s): cāturmāsya

Show parallels Show headlines
Use dependency labeler

Chapter id: 16877

Click on a sentence to show its analysis
Keep the mouse pointer over a lemma to show its meanings.

havirbhojanebhya odanān upaharati // (1) Par.?

prativeśapakvān patnī strīkumārāḥ prāśnanti yaḥ sthālyām odanas tam anye brāhmaṇāḥ // (2) Par.?

sarva āśitā āñjate 'bhyañjate 'nu vatsān vāsayanti // (3) Par.?

suhitā etāṃ rātriṃ vasanti // (4) Par.?

pūrṇadarvyāya śaraniṣkāsaṃ darvyudāyuvanaṃ ca pariśinaṣṭi // (5) Par.?

apararātre 'dhvaryur abhivānyavatsāyā agnihotryāś ca vatsau saṃyamya purā prātaragnihotrād darvyām upastīrya tasyāṃ sarvaśa eva niṣkāsaṃ śaraṃ cānimṛṣṭaṃ darvyudāyuvanam avadhāya dvir ājyenābhighārayati // (6) Par.?

ṛṣabhe nardati pūrṇā darvīty anudrutya dehi ma iti gārhapatye juhoti // (7) Par.?

yady ṛṣabho na narded brahmā hiṃkuryāt // (8) Par.?

yo nardati sa dakṣiṇā // (9) Par.?

payasā prātarhute 'gnihotre marudbhyaḥ krīḍibhyaḥ puroḍāśaṃ saptakapālaṃ nirvapati sākaṃ sūryeṇodyatā // (10) Par.?

marudbhyaḥ svatavadbhya ity eke // (11) Par.?

atha pañca saṃcarāṇy aindrāgnam ekādaśakapālam aindraṃ caruṃ vaiśvakarmaṇam ekakapālam ity aparāṇy aṣṭau mahānti havīṃṣi varuṇapraghāsottaravihāravat prayunakti // (12) Par.?

asaṃsṛṣṭam aindrāgnam avahṛtya surakṣitaṃ pṛthak tuṣān nidadhāti // (13) Par.?

agne ver hotraṃ ver dūtyam iti srucyam āghāram āghārayati // (14) Par.?

vāg asy āgneyīti yajamāno 'numantrayate // (15) Par.?

sahaś ca sahasyaś ceti caturbhir ekakapālam abhijuhoti // (16) Par.?

dhenur dakṣiṇā // (17) Par.?

idāvatsarīṇāṁ svastim āśāsta ity āśiḥṣu hotānuvartayati // (18) Par.?

aindrāgnatuṣair avabhṛtham abhyavayanti // (19) Par.?

Duration=0.043040990829468 secs.