Texts

agreṇa dhruvāṃ vedaṃ sādayitvā sāmidhenībhyaḥ saṃpreṣyati // (1) Par.?

nava sāmidhenyo bhavanti // (2) Par.?

srauvam āghāram āghārya saṃpreṣyaty agnīt paridhīṃś cāgniṃ ca tris triḥ saṃmṛḍḍhīti // (3) Par.?

samānam ā pravarāt // (4) Par.?

āśrāvyāha sīda hotar iti // (5) Par.?

etāvān pravaraḥ // (6) Par.?

yatrābhijānāti ghṛtavatīm adhvaryo srucam āsyasveti tad dhruvāyā gṛhṇāty aṣṭagṛhītaṃ juhvāṃ caturgṛhītam upabhṛti // (7) Par.?

gṛhṇan saṃpreṣyaty agnaye 'nubrūhīti // (8) Par.?

atyākramyāśrāvyāhāgniṃ yajeti // (9) Par.?

vaṣaṭkṛte 'rdhaṃ juhvā juhoti // (10) Par.?

apunaratikrāman saṃpreṣyati somāyānubrūhīti // (11) Par.?

āśrāvyāha somaṃ yajeti // (12) Par.?

vaṣaṭkṛte sarvaṃ juhoti // (13) Par.?

atraiva tiṣṭhan saṃpreṣyati viṣṇave 'nubrūhīti // (14) Par.?

juhvām aupabhṛtaṃ paryāsicyāśrāvyāha viṣṇuṃ yajeti // (15) Par.?

vaṣaṭkṛte juhoti // (16) Par.?

pratyākramya sruveṇopasadaṃ juhoti yā te agne 'yāśayā tanūr ity etām // (17) Par.?

yadi puro yudhyeyur ayaḥ prathamāyām avadhāya juhuyād rajataṃ madhyamāyāṃ haritam uttamāyām iti vijñāyate // (18) Par.?

yadi saṃgrāmaṃ yudhyeyur ity ekeṣām // (19) Par.?

upasadaṃ hutvā tathaiva rājānam āpyāyayanti tathā nihnavante // (20) Par.?

athopasadā caranti // (21) Par.?

tataḥ saṃpreṣyaty agnīd devapatnīr vyācakṣva subrahmaṇya subrahmaṇyām āhvayeti // (22) Par.?

apareṇa gārhapatyam upaviśyāgnīdhro devapatnīr vyācaṣṭe senendrasyety etam anuvākam // (23) Par.?

āhvayati subrahmaṇyaḥ subrahmaṇyām // (24) Par.?

saṃtiṣṭhata upasat // (25) Par.?