UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 17139
- Click on a sentence to show its analysis
- Keep the mouse pointer over a lemma to show its meanings.
maitrāvaruṇaṃ gṛhṇāty ayaṃ vāṃ mitrāvaruṇā iti // (1)
Par.?
athainaṃ śṛtaśītena payasā śrīṇāti / (2.1)
Par.?
rāyā vayaṃ sasṛvāṃso madema havyena devā yavasena gāvaḥ / (2.2)
Par.?
tāṃ dhenuṃ mitrāvaruṇā yuvaṃ no viśvāhā dhattam anapasphurantīm / (2.3)
Par.?
atītyāśvinaṃ śukraṃ gṛhṇāty ayaṃ venaś codayat pṛśnigarbhā iti // (3)
Par.?
athainaṃ hiraṇyena śrīṇāti śukraṃ te śukreṇa śrīṇāmīti // (4)
Par.?
tato manthinaṃ taṃ pratnathā pūrvatheti // (5)
Par.?
athainaṃ saktubhiḥ śrīṇāti / (6.1)
Par.?
mano na yeṣu havaneṣu tigmaṃ vipaḥ śacyā vanutho dravantā / (6.2)
Par.?
ā yaḥ śaryābhis tuvinṛmṇo asyāḥ śrīṇītād imaṃ gabhastāt / (6.3)
Par.?
ity anabhidhvaṃsayann ātmānaṃ cetarāṃś ca grahān // (6.4)
Par.?
tata āgrayaṇaṃ dvayor dhārayor gṛhṇāti // (7)
Par.?
ya eṣa āgrayaṇasthālyāṃ rājā tam anyasmin pātre paryāsicya dvitīyāṃ dhārāṃ kurute ye devā divy ekādaśa stheti // (8)
Par.?
rugṇavatyarcā bhrātṛvyavato gṛhṇīyāt triṃśattrayaś ca gaṇino rujanta iti // (9)
Par.?
āgrayaṇaṃ gṛhītvā trir hiṃkṛtvā vācaṃ visṛjate somaḥ pavate somaḥ pavate somaḥ pavate 'smai brahmaṇe pavate 'smai kṣatrāya pavate 'smai viśe pavate 'smai sunvate yajamānāya pavata iṣe pavata ūrje pavate 'dbhyaḥ pavata oṣadhībhyaḥ pavate vanaspatibhyaḥ pavate dyāvāpṛthivībhyāṃ pavate subhūtāya pavate brahmavarcasāya pavate yajamānāya pavate mahyaṃ jyeṣṭhāya pavata iti // (10)
Par.?
śanair abhivyāharaty athoccair atha sūccair iti vijñāyate // (11)
Par.?Duration=0.056166887283325 secs.