Texts

tatas trīn atigrāhyān gṛhṇāty agna āyūṃṣi pavasa ity etais tribhir anuvākaiḥ // (1) Par.?

tata ukthyam upayāmagṛhīto 'sīndrāya tvā bṛhadvate vayasvata iti // (2) Par.?

tato dhruvaṃ mūrdhānaṃ divo aratiṃ pṛthivyā iti // (3) Par.?

yaṃ kāmayeta sarvam āyur iyād iti tasya pūrṇaṃ grahaṃ gṛhṇīyāt // (4) Par.?

hiraṇye 'dhi sādayed āyuṣkāmasya // (5) Par.?

rājaputro dhruvaṃ gopāyatīti vijñāyate // (6) Par.?

dhruve gṛhīte yajamāno na prasrāvayaty āvanayanāt // (7) Par.?

droṇakalaśe rājānam atipāvayati yāvantaṃ prātaḥsavanāyāptaṃ manyate // (8) Par.?

prapīḍya pavitraṃ pūtabhṛti vitatya maitrāvaruṇacamasīyā ekadhanāsu vyānayati // (9) Par.?

yathārtham ekadhanānām ādhavanīye 'vanīyādhavanīyāt pūtabhṛty ekadeśaṃ rājño 'vanayati // (10) Par.?

tatraiṣo 'tyantapradeśaḥ / (11.1) Par.?

yatra kva ca kiṃ ca pūtabhṛty avanayet tiraḥ pavitram evāvanayed anyatra droṇakalaśāt // (11.2) Par.?

pavamānagrahān gṛhṇāti / (12.1) Par.?

upayāmagṛhīto'si prajāpataye tveti droṇakalaśam abhimṛśet / (12.2) Par.?

indrāya tvety ādhavanīyam / (12.3) Par.?

viśvebhyas tvā devebhya iti pūtabhṛtam // (12.4) Par.?

purastādupayāmā yajuṣā gṛhyanta upariṣṭādupayāmā ṛcā yajñasya dhṛtyā iti vijñāyate // (13) Par.?

vaipruṣān homān juhvati yas te drapsa skandatīty etābhis tisṛbhiḥ // (14) Par.?

saptahotāraṃ ca hutvodañcaḥ prahvā bahiṣpavamānāya prasarpanti // (15) Par.?

adhvaryuṃ prastotānvārabhate prastotāram udgātodgātāraṃ pratihartā pratihartāraṃ brahmā brahmāṇaṃ yajamānaḥ / (16.1) Par.?

yajamānaṃ brahmetyekeṣām // (16.2) Par.?

barhirmuṣṭiṃ dhūnvann adhvaryuḥ prathamaṃ sarpati gāyatraḥ panthā vasavo devatā vṛkeṇāparipareṇa pathā svasti vasūn aśīyeti vāg agregā agra etv iti ca // (17) Par.?