Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17163

Click on a sentence to show its analysis
Keep the mouse pointer over a lemma to show its meanings.

sanneṣu nārāśaṃseṣūttareṇa havirdhāna uttareṇāgnīdhrīyam uttareṇa sadaḥ parītya pūrvayā dvārā prāgvaṃśaṃ praviśyāpareṇa śālāmukhīyam upaviśya juhvāṃ caturgṛhītam ājyaṃ gṛhītvā darbheṇa hiraṇyaṃ niṣṭarkyaṃ baddhvāvadadhāti // (1) Par.?

amātyānāṃ saṃhvānaṃ samanvārambhaṇaṃ saṃpracchādanam iti vaisarjaneṣu vyākhyātam // (2) Par.?

vāsaso 'ntaṃ srugdaṇḍa upaniyamya juhoti dākṣiṇāni // (3) Par.?

ud u tyam / (4.1) Par.?

citram iti dvābhyāṃ gārhapatye juhoti // (4.2) Par.?

aparaṃ caturgṛhītaṃ gṛhītvā // (5) Par.?

divaṃ gaccha suvaḥ pateti hiraṇyaṃ hutvodgṛhṇāti // (6) Par.?

athainā dakṣiṇā dakṣiṇena vedim avasthitā bhavanti gavāṃ dvādaśaśataṃ tilā māṣā odano mantho 'jo 'vir vāso hiraṇyam ano ratho 'śvo hastī puruṣa iti / (7.1) Par.?

ekaviṃśatir ity ekeṣām / (7.2) Par.?

caturviṃśatir ity ekeṣām / (7.3) Par.?

aparimitā ity ekeṣām / (7.4) Par.?

sarvavedasam ity ekeṣām // (7.5) Par.?

hiraṇyaṃ cājyaṃ ca dhārayamāṇo yajamāno dakṣiṇā abhyaiti rūpeṇa vo rūpam abhyaimi vayasā vaya iti // (8) Par.?

tutho vo viśvavedā vibhajatv iti madhyam avakrāmati // (9) Par.?

athaināḥ kṛṣṇājinena vyuttrāsya vibhajya vāvibhajya vātyānayaty agreṇa prāgvaṃśaṃ jaghanena sado 'ntareṇa neṣṭuś cāgnīdhrasya ca // (10) Par.?

tā udīcīr antareṇa cātvālaṃ cāgnīdhraṃ cotsṛjati // (11) Par.?

atyāyatīṣv āhavanīyam abhimantrayata etat te agne rādha eti somacyutam iti pratipadya yajñasya pathā suvitā nayantīr ity antena // (12) Par.?

Duration=0.051831960678101 secs.