Texts

māhendraṃ śukrapātreṇa gṛhṇāti mahāṁ indro ya ojasety etenānuvākenottareṇa vā // (1) Par.?

stutaśastre atra bhavataḥ // (2) Par.?

stotram upākṛtya saṃpreṣyaty abhiṣotāro 'bhiṣuṇutolūkhalān udvādayāgnīd āśiraṃ vinaya saumyasya vittād iti // (3) Par.?

atra tārtīyasavanīyakam abhiṣavam abhiṣuṇuyāt savanīyān saumyam iti nirvaped āśiraṃ vinayed ity ekam / (4.1) Par.?

tṛtīyasavana ity aparam // (4.2) Par.?

śastraṃ pratigīryādatte graham adhvaryuḥ / (5.1) Par.?

ādadate nārāśaṃsān / (5.2) Par.?

ādadate 'tigrāhyān // (5.3) Par.?

atyākramyāśrāvyāhokthaśā yaja somasyeti // (6) Par.?

vaṣaṭkṛte juhoti // (7) Par.?

vyākhyātam anuprakampanam // (8) Par.?

tato 'tigrāhyān juhvaty agne tejasvin ity etair mantrair yathārūpam // (9) Par.?

vyākhyāto grahasya bhakṣamantraḥ // (10) Par.?

tato 'tigrāhyān bhakṣayanti mayi medhāṃ mayi prajām ity etair mantrair yathārūpam // (11) Par.?

vyākhyāto nārāśaṃsānām // (12) Par.?

sarvān bhakṣayanti // (13) Par.?

nāpyāyayanti / (14.1) Par.?

mārjayante // (14.2) Par.?

sarvabhakṣā evāta ūrdhvaṃ mādhyaṃdine camasā bhavanti // (15) Par.?

tata ukthyaṃ vigṛhṇāti yathā prātaḥsavane // (16) Par.?

etāvan nānā / (17.1) Par.?

indrāya tvā / (17.2) Par.?

indrāya tveti sarvatra grahaṇasādanau bhavataḥ // (17.3) Par.?

aindro bhakṣamantraḥ // (18) Par.?

tasminn eva kāle ṣoḍaśinam abhigṛhṇāti // (19) Par.?

ṣoḍaśinaṃ gṛhītvā saṃpreṣyaty uttamāṃś camasān unnaya droṇakalaśaṃ pūtabhṛty avanaya sarvaṃ rājānaṃ camaseṣūnnaya daśābhiḥ kalaśau mṛṣṭvā nyubjeti // (20) Par.?

ukthaṃ vācīty āha mādhyaṃdinaṃ savanaṃ pratigīrya // (21) Par.?

viśve devā maruta indro asmān ity āhutiṃ hutvā saṃpreṣyati praśāstaḥ prasuhīti // (22) Par.?

sarpatety āha praśāstā // (23) Par.?

saṃtiṣṭhate mādhyaṃdinaṃ savanam // (24) Par.?