Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17173

Click on a sentence to show its analysis
Keep the mouse pointer over a lemma to show its meanings.

bhakṣam āharan saṃpreṣyaty agnīn neṣṭur upastham āsīda neṣṭaḥ patnīm udānayonnetar hotṛcamasamukhyāṃś camasān unnaya hotṛcamase dhruvāyāvakāśaṃ kuru sarvaṃ rājānaṃ camaseṣūnnaya daśābhiḥ kalaśau mṛṣṭvā nyubjodgātrā patnīṃ saṃkhyāpayāpa upapravartayeti // (1) Par.?

yathācoditaṃ kurvanti // (2) Par.?

antareṇa neṣṭāraṃ dhiṣṇiyaṃ cāgnīdhro vyavasṛpya bhakṣayati / (3.1) Par.?

agnipītasyeti bhakṣamantraṃ namati // (3.2) Par.?

saṃprajvalayitvā dhiṣṇiyān yajñāyajñīyasya stotram upākaroti // (4) Par.?

sakarṇaprāvṛtā bhavanty ṛtvijo yajamānaś cāviriva nābhiṃ darśayantaḥ // (5) Par.?

udgātur hiṅkāraṃ pratyudgātrā patnīm ā tisṛbhyaḥ stotriyābhyaḥ saṃkhyāpayati viśvasya te viśvāvato vṛṣṇiyāvata iti // (6) Par.?

dakṣiṇaṃ nagnaṃ kṛtvoruṃ patny ūruṇā pannejanīr ā tisṛbhya upapravartayaty agan devān ity anuvākena vaṅkṣaṇān āviṣkurvatī // (7) Par.?

prācīr upapravartayaty udīcīr vā / (8.1) Par.?

prācīr udīcīr ity ekeṣām // (8.2) Par.?

parihite stotre śastram upākaroti // (9) Par.?

yatrābhijānāti svāduṣ kilāyaṃ madhumāṁ utāyam iti tad ubhayatomodaṃ pratigṛṇāti madā moda iva modā moda ivety ā vyāhāvāt // (10) Par.?

yatrābhijānāty uta no 'hirbudhnyaḥ śṛṇotv etasyāṃ vaiśvadevyām ṛci śasyamānāyāṃ paridhānīyāyāṃ vā sakṛcchastāyāṃ pratiprasthātā hotṛcamase dhruvam avanayiṣyann upatiṣṭhate bhūtam asi bhūte mā dhā iti // (11) Par.?

athainaṃ hastābhyāṃ parigṛhṇāti dyāvāpṛthivībhyāṃ tvā parigṛhṇāmīti // (12) Par.?

harati viśve tvā devā vaiśvānarāḥ pra cyāvayantv iti // (13) Par.?

Duration=0.055372953414917 secs.