Texts

purastāt pratyaṅ tiṣṭhan hotṛcamase dhruvam avanayati dhruvaṃ dhruveṇety anuvākaśeṣeṇa // (1) Par.?

paścāt prāṅ āsīno 'nulomam avanayatīty ekeṣām // (2) Par.?

saṃtatāṃ dhārāṃ srāvayaty ā śastrāpavargāt // (3) Par.?

śastraṃ pratigīryādatte graham adhvaryuḥ / (4.1) Par.?

ādadate camasāṃś camasādhvaryavaḥ // (4.2) Par.?

atyākramyāśrāvyāhokthaśā yaja somānām iti // (5) Par.?

vaṣaṭkṛte juhvati // (6) Par.?

yathācamasaṃ camasino bhakṣayanti / (7.1) Par.?

agninā vaiśvānareṇa pītasyeti grahasya bhakṣamantraṃ namati // (7.2) Par.?

tata ādityam upatiṣṭhata āhavanīyaṃ vā subhūr asi śreṣṭho raśmīnām āyur ma indriyaṃ dhehy ado ma ā gamyād iti / (8.1) Par.?

yat kāmayate tasya nāma gṛhṇātīti vijñāyate // (8.2) Par.?

iti vai khalu yady agniṣṭomaḥ // (9) Par.?

atha yady ukthyaḥ sarvaṃ rājānaṃ camaseṣūnnaya daśābhiḥ kalaśau mṛṣṭvā nyubjeti lupyata etat saṃpraiṣasya // (10) Par.?

agniṣṭomacamasān unnayaṃs tribhyaś camasagaṇebhyo rājānam atirecayati // (11) Par.?

tata ukthyaṃ vigṛhṇāti yathā prātaḥsavane // (12) Par.?

etāvan nānā / (13.1) Par.?

indrāvaruṇābhyāṃ tveti maitrāvaruṇasya grahaṇasādanau bhavataḥ / (13.2) Par.?

indrābṛhaspatibhyāṃ tveti brāhmaṇācchaṃsinaḥ / (13.3) Par.?

indrāviṣṇubhyāṃ tvety achāvākasya / (13.4) Par.?

evam evaitān bhakṣamantrān namati // (13.5) Par.?

iti vai khalu yady ukthyaḥ // (14) Par.?

atha yadi ṣoḍaśy achāvākacamasān unnayann ekasmai camasagaṇāya sagrahāya rājānam atirecayati / (15.1) Par.?

tasminn eva kāle ṣoḍaśinam abhigṛhṇāti // (15.2) Par.?

api vainam atraivāgrayaṇād gṛhṇīyāt / (16.1) Par.?

na pūrvayoḥ savanayoḥ // (16.2) Par.?

apy agniṣṭome rājanyasya gṛhṇīyād iti vijñāyate // (17) Par.?

anantaram agniṣṭomacamasebhyo gṛhṇīyāt // (18) Par.?

hotṛcamasamukhyāṃś camasān unnayati // (19) Par.?

stutaśastre atra bhavataḥ // (20) Par.?