Texts

ātmā ha vā asyāgrayaṇaḥ / (1.1) Par.?

so 'syaiṣa sarvam eva / (1.2) Par.?

sarvaṃ hy ayam ātmā / (1.3) Par.?

tasmād anayā gṛhṇāti / (1.4) Par.?

asyai hi sthālī bhavati / (1.5) Par.?

sthālyā hy enaṃ gṛhṇāti / (1.6) Par.?

sarvaṃ vā iyam / (1.7) Par.?

sarvam eṣa grahaḥ / (1.8) Par.?

tasmād anayā gṛhṇāti // (1.9) Par.?

pūrṇaṃ gṛhṇāti / (2.1) Par.?

sarvaṃ vai pūrṇam / (2.2) Par.?

sarvam eṣa grahaḥ / (2.3) Par.?

tasmāt pūrṇaṃ gṛhṇāti // (2.4) Par.?

viśvebhyo devebhyo gṛhṇāti / (3.1) Par.?

sarvaṃ vai viśve devāḥ / (3.2) Par.?

sarvam eṣa grahaḥ / (3.3) Par.?

tasmād viśvebhyo devebhyo gṛhṇāti // (3.4) Par.?

sarveṣu savaneṣu gṛhṇāti / (4.1) Par.?

sarvaṃ vai savanāni / (4.2) Par.?

sarvam eṣa grahaḥ / (4.3) Par.?

tasmāt sarveṣu savaneṣu gṛhṇāti // (4.4) Par.?

sa yadi rājopadasyet tam ata eva tanvīrann ataḥ prabhāvayeyuḥ / (5.1) Par.?

ātmā vā āgrayaṇaḥ / (5.2) Par.?

ātmano vā imāni sarvāṇy aṅgāni prabhavanti / (5.3) Par.?

etasmād antato hāriyojanaṃ grahaṃ gṛhṇāti / (5.4) Par.?

tad ātmany evāsyām pratiṣṭhāyām antato yajñaḥ pratitiṣṭhati // (5.5) Par.?

atha yasmād āgrayaṇo nāma / (6.1) Par.?

yāṃ vā amūṃ grāvāṇam ādadāno vācaṃ yacchaty atra vai sāgre 'vadat / (6.2) Par.?

tad yat sātrāgre 'vadat tasmād āgrayaṇo nāma // (6.3) Par.?

rakṣobhyo vai tām bhīṣā vācam ayacchan / (7.1) Par.?

ṣaḍ vā ataḥ prāco grahān gṛhṇāti / (7.2) Par.?

athaiṣa saptamaḥ / (7.3) Par.?

ṣaḍ vā ṛtavaḥ saṃvatsarasya / (7.4) Par.?

sarvaṃ vai saṃvatsaraḥ // (7.5) Par.?

tāṃ devāḥ sarvasmin vijite 'bhaye 'nāṣṭre 'trāgre vācam avadan / (8.1) Par.?

tatho evaiṣa etāṃ sarvasmin vijite 'bhaye 'nāṣṭre 'trāgre vācaṃ vadati // (8.2) Par.?

athāto gṛhṇāty eva ye devāso divy ekādaśa stha pṛthivyām adhy ekādaśa stha / (9.1) Par.?

apsukṣito mahinaikādaśa stha te devāso yajñam imaṃ juṣadhvam / (9.2) Par.?

upayāmagṛhīto 'sy āgrayaṇo 'si svāgrayaṇa iti vācam evaitad ayātayāmnīṃ karoti / (9.3) Par.?

tasmād anayā samānaṃ sad viparyāsaṃ vadaty ajāmitāyai / (9.4) Par.?

jāmi ha kuryād yad āgrayaṇo 'sy āgrayaṇo 'sīti gṛhṇīyāt / (9.5) Par.?

tasmād āhāgrayaṇo 'si svāgrayaṇa iti // (9.6) Par.?

pāhi yajñam pāhi yajñapatim iti vācam evaitad utsṛṣṭām āha / (10.1) Par.?

gopāya yajñam iti pāhi yajñapatim iti vācam evaitad utsṛṣṭām āha / (10.2) Par.?

gopāya yajamānam iti / (10.3) Par.?

yajamāno hi yajñapatiḥ / (10.4) Par.?

viṣṇus tvām indriyeṇa pātu viṣṇuṃ tvam pāhīti vācam evaitad utsṛṣṭām āha / (10.5) Par.?

yajño vai viṣṇuḥ / (10.6) Par.?

yajñas tvāṃ vīryeṇa gopāyatv iti viṣṇuṃ tvam pāhīti vācam evaitad utsṛṣṭām āha / (10.7) Par.?

yajñaṃ tvaṃ gopāyety abhi savanāni pāhīti tad etaṃ graham āha / (10.8) Par.?

sarvāṇi hy eṣa savanāni prati // (10.9) Par.?

atha daśāpavitram upagṛhya hiṃkaroti / (11.1) Par.?

sā haiṣā vāg anudyamānā tatāma / (11.2) Par.?

tasyāṃ devā vāci tāntāyāṃ hiṅkāreṇaiva prāṇam adadhuḥ / (11.3) Par.?

prāṇo vai hiṅkāraḥ / (11.4) Par.?

prāṇo hi vai hiṅkāraḥ / (11.5) Par.?

tasmād apigṛhya nāsike na hiṃkartuṃ śaknoti / (11.6) Par.?

saitena prāṇena samajihīta / (11.7) Par.?

yadā vai tāntaḥ prāṇaṃ labhate 'tha sa saṃjihīte / (11.8) Par.?

tatho evaiṣa etad vāci tāntāyāṃ hiṅkāreṇaiva prāṇaṃ dadhāti / (11.9) Par.?

saitena prāṇena saṃjihīte / (11.10) Par.?

triṣkṛtvo hiṃkaroti / (11.11) Par.?

trivṛddhi yajñaḥ // (11.12) Par.?

athāha somaḥ pavata iti / (12.1) Par.?

sa yām evāmūm bhīṣāsurarakṣasebhyo na nirabruvaṃs tām evaitat sarvasmin vijite 'bhaye 'nāṣṭre 'tra nirāha / (12.2) Par.?

tām āviṣkaroti / (12.3) Par.?

tasmād āha somaḥ pavata iti // (12.4) Par.?

asmai brahmaṇe 'smai kṣatrāyeti tad brahmaṇe ca kṣatrāya cāha / (13.1) Par.?

asmai sunvate yajamānāya pavata iti tad yajamānāyāha // (13.2) Par.?

tad āhur etāvad evoktvā sādayet / (14.1) Par.?

etāvad vā idaṃ sarvaṃ yāvad brahma kṣatraṃ viṭ / (14.2) Par.?

indrāgnī vā idaṃ sarvam / (14.3) Par.?

tasmād etāvad evoktvā sādayed iti // (14.4) Par.?

tad u brūyād eva bhūya iṣa ūrje pavata iti / (15.1) Par.?

vṛṣṭyai tad āha yad āheṣa iti / (15.2) Par.?

ūrja iti yo vṛṣṭād ūrg raso jāyate tasmai tad āha / (15.3) Par.?

adbhya oṣadhībhyaḥ pavata iti tad adbhyaś cauṣadhībhyaś cāha / (15.4) Par.?

dyāvāpṛthivībhyām pavata iti tad ābhyāṃ dyāvāpṛthivībhyām āha yayor idaṃ sarvam adhi / (15.5) Par.?

subhūtāya pavata iti sādhave pavata ity evaitad āha // (15.6) Par.?

tad u haika āhur brahmavarcasāya pavata iti / (16.1) Par.?

tad u tathā na brūyāt / (16.2) Par.?

yad vā āhāsmai brahmaṇa iti tad eva brahmavarcasāyāha / (16.3) Par.?

viśvebhyas tvā devebhya eṣa te yonir viśvebhyas tvā devebhya iti sādayati / (16.4) Par.?

viśvebhyo hy enaṃ devebhyo gṛhṇāti / (16.5) Par.?

taṃ vai madhye sādayati / (16.6) Par.?

ātmā hy asyaiṣa / (16.7) Par.?

madhya iva hy ayam ātmā / (16.8) Par.?

dakṣiṇokthyasthālī bhavaty uttarādityasthālī // (16.9) Par.?