Texts

Select a text:
Bibliography

Select a chapter:
(no revisions)

Associated topic(s): Kṛṣṇa

Show parallels Show headlines
Use dependency labeler

Chapter id: 17458

vaiśaṃpāyana uvāca / (1.1) Par.?

tataḥ sampūjya garuḍaṃ vāsudevo 'numānya ca / (1.2) Par.?

sakhivac copagṛhyainam anujajñe gṛhaṃ prati // (1.3) Par.?

so 'nujñāto hi satkṛtya praṇamya ca janārdanam / (2.1) Par.?

ūrdhvam ācakrame pakṣī yatheṣṭaṃ gaganecaraḥ // (2.2) Par.?

sa pakṣavātasaṃkṣubdhaṃ samudraṃ makarālayam / (3.1) Par.?

kṛtvā vegena mahatā yayau pūrvaṃ mahodadhim // (3.2) Par.?

kṛtyakāla upasthāsya ity uktvā garuḍe gate / (4.1) Par.?

kṛṣṇo dadarśa pitaraṃ vṛddham ānakadundubhim // (4.2) Par.?

ugrasenaṃ ca rājānaṃ baladevaṃ ca mādhavaḥ / (5.1) Par.?

kāśyaṃ sāṃdīpaniṃ caiva brahmagārgyaṃ tathaiva ca // (5.2) Par.?

anyāṃś ca vṛddhān vṛṣṇīnāṃ tāṃś ca bhojāndhakāṃs tathā / (6.1) Par.?

ratnapravekair dāśārho vīryalabdhais tadārcayat // (6.2) Par.?

hatā brahmadviṣaḥ sarve yajanty andhakavṛṣṇayaḥ / (7.1) Par.?

raṇāt pratinivṛtto 'yam akṣato madhusūdanaḥ // (7.2) Par.?

iti catvararathyāsu dvāravatyāṃ supūjitaḥ / (8.1) Par.?

cākriko ghoṣayāmāsa puruṣo mṛṣṭakuṇḍalaḥ // (8.2) Par.?

tataḥ sāṃdīpaniṃ pūrvam upagamya janārdanaḥ / (9.1) Par.?

vavande vṛṣṇinṛpatim āhukaṃ vinayānvitaḥ // (9.2) Par.?

athāśruparipūrṇākṣam ānandagatacetasam / (10.1) Par.?

vavande saha rāmeṇa pitaraṃ vāsavānujaḥ // (10.2) Par.?

tataḥ śeṣān abhikramya satkṛtya ca yathārhataḥ / (11.1) Par.?

sarveṣāṃ nāma jagrāha dāśārhāṇām adhokṣajaḥ // (11.2) Par.?

tataḥ sarvāṇi divyāni sarvaratnamayāni ca / (12.1) Par.?

āsanāgryāṇi viviśur upendrapramukhās tadā // (12.2) Par.?

tatas tad dhanam akṣayyaṃ kiṃkarair yat samāhṛtam / (13.1) Par.?

sabhāṃ samānayāmāsuḥ puruṣāḥ kṛṣṇaśāsanāt // (13.2) Par.?

tataḥ sa mānayāmāsa dāśārhān yadusattamān / (14.1) Par.?

sarvān duṃdubhiśabdena pūjayiṣyañ janārdanaḥ // (14.2) Par.?

tām āsanavatīṃ ramyāṃ maṇividrumatoraṇām / (15.1) Par.?

sudāśārhīṃ sudāśārhā viviśuḥ kṛṣṇaśāsanāt // (15.2) Par.?

tataḥ puruṣasiṃhaiḥ sā yadubhiḥ sarvato vṛtā / (16.1) Par.?

śuśubhe 'bhyadhikaṃ śubhrā siṃhair giriguhā yathā // (16.2) Par.?

rāmeṇa saha govindaḥ kāñcanaṃ mahad āsanam / (17.1) Par.?

ugrasenaṃ puraskṛtya bheje vṛṣṇipuraskṛtaḥ // (17.2) Par.?

tatropaviṣṭāṃs tān vīrān yathāprīti yathāvayaḥ / (18.1) Par.?

samābhāṣya yaduśreṣṭhān uvāca madhusūdanaḥ // (18.2) Par.?

Duration=0.11200308799744 secs.