Texts

vaiśaṃpāyana uvāca / (1.1) Par.?

mṛta ity abhivijñāya jvaraṃ śatruniṣūdanaḥ / (1.2) Par.?

kṛṣṇo bhujabalābhyāṃ taṃ cikṣepātha mahītale // (1.3) Par.?

muktamātras tu bāhubhyāṃ kṛṣṇadehaṃ viveśa saḥ / (2.1) Par.?

amuktvā vigrahaṃ tasya kṛṣṇasyāpratimaujasaḥ // (2.2) Par.?

sa hy āviṣṭas tadā tena jvareṇāpratimaujasā / (3.1) Par.?

kṛṣṇaḥ skhalann iva muhuḥ kṣitau samabhivartata // (3.2) Par.?

jṛmbhate ca tadā kṛṣṇaḥ punaś ca skhalate bhṛśam / (4.1) Par.?

romāñcotthitagātras tu nidrayā cābhibhūyate // (4.2) Par.?

jvarābhimṛṣṭam ātmānaṃ vijñāya puruṣottamaḥ / (5.1) Par.?

so 'sṛjaj jvaram anyaṃ tu pūrvajvaravināśanam // (5.2) Par.?

vyāvidhyamāne tu tadā jvare tenāmitaujasā / (6.1) Par.?

aśarīrā tato vāṇī tam uvācāntarikṣagā // (6.2) Par.?

kṛṣṇa kṛṣṇa mahābāho yadūnāṃ nandivardhana / (7.1) Par.?

mā vadhīr jvaram etaṃ vai rakṣaṇīyas tvayānagha / (7.2) Par.?

ity evam ukte vacane taṃ mumoca hariḥ svayam // (7.3) Par.?

tam uvāca jvaro bhūyas tv aham eko jvaro bhuvi / (8.1) Par.?

tava prasādān nānyaḥ syāj jvaraḥ samitiśobhana // (8.2) Par.?

bhagavān uvāca / (9.1) Par.?

eka eva jvaro loke bhavān astu yathāsukham / (9.2) Par.?

yo 'yaṃ mayā jvaraḥ sṛṣṭo mayy evaiṣa pralīyatām // (9.3) Par.?

jvara uvāca / (10.1) Par.?

dhanyo 'smy anugṛhīto 'smi yat tvayā matpriyaṃ kṛtam / (10.2) Par.?

ājñāpaya priyaṃ kiṃ te cakrāyudha karomy aham // (10.3) Par.?

bhagavān uvāca / (11) Par.?

mahāmṛdhe tava mama ca dvayor imaṃ parākramaṃ bhujabalakevalāstrayoḥ / (11) Par.?

praṇamya mām ekamanāḥ paṭhet tu yaḥ sa vai bhavej jvara vigatajvaro naraḥ // (11) Par.?

evam uktas tu kṛṣṇena jvaraḥ sākṣān mahātmanā / (12.1) Par.?

praṇamya śirasā kṛṣṇam apakrāntas tato raṇāt // (12.2) Par.?