Texts

āgnāvaiṣṇavam ekādaśakapālaṃ nirvapet // (1) Par.?

agnir vai sarvā devatāḥ // (2) Par.?

viṣṇur yajñaḥ // (3) Par.?

devatāś caiva yajñaṃ cālabdha // (4) Par.?

agnir vai yajñasyānto 'vastād viṣṇuḥ purastāt // (5) Par.?

ubhayata eva yajñasyāntā ālabdha // (6) Par.?

tad āhur na ṛta indro yajño 'stv iti // (7) Par.?

yad aṣṭākapālas tenāgneyaḥ // (8) Par.?

yat trikapālas tena vaiṣṇavaḥ // (9) Par.?

yad ekādaśakapālaḥ sampadyate tenaindraḥ // (10) Par.?

agnir vai yajñasya pavitram // (11) Par.?

viṣṇur yajñaḥ // (12) Par.?

pavitrapūtam eva yajñam ālabdha // (13) Par.?

medhasya vā etad yajñasya rūpaṃ yat puroḍāśaḥ // (14) Par.?

tasmāt puroḍāśa eva kāryaḥ // (15) Par.?

caruṃ kurvanti // (16) Par.?

dhenvā vai ghṛtaṃ payo 'naḍuhas taṇḍulāḥ // (17) Par.?

tan mithunam // (18) Par.?

mithunam evāsya yajñamukhe dadhāti // (19) Par.?

tejo vai ghṛtam // (20) Par.?

tejasa eva prajāyate // (21) Par.?

puruṣo vā eṣa medhāyālabhyate // (22) Par.?

puruṣasyeva hy eṣā pratimā // (23) Par.?

yata iva hi rūpaṃ tasmāc carur eva kāryaḥ // (24) Par.?

vedimati dīkṣate // (25) Par.?

vindā iti vai vedimati dīkṣate // (26) Par.?

vindate ha vai yo vedimati dīkṣate // (27) Par.?

atho yajñapatha evādīkṣiṣṭa // (28) Par.?

vedyā vai devā imam asurāṇām avindata // (29) Par.?

imām eva vindate yo vedimati dīkṣate // (30) Par.?

atho yajñapatham evālabdha // (31) Par.?

prācīnavaṃśaṃ kurvanti // (32) Par.?

diśo yad imāṃ vyakalpayann imām eva devebhyo 'kalpayann imāṃ pitṛbhya imām asurebhya imāṃ manuṣyebhyaḥ // (33) Par.?

devatām eṣa upaiti yo dīkṣate // (34) Par.?

devānām eva diśam upāvartate // (35) Par.?

prācīnām eva diśam upāvartate // (36) Par.?

atho devakṣetram eva prāvasyati // (37) Par.?

pariśrayanti // (38) Par.?

antarhito vai daivāt kṣayān mānuṣaḥ kṣayaḥ // (39) Par.?

mānuṣād evainaṃ kṣayād antardadhati // (40) Par.?

atho rakṣasām ananvavāyāya // (41) Par.?

eti vā eṣo 'smāl lokād yo dīkṣate // (42) Par.?

janaṃ hy eti // (43) Par.?

devalokam abhyārohati // (44) Par.?

pariśrayanto 'tirokān kurvanti // (45) Par.?

tenāsmāl lokān naiti // (46) Par.?

tenāsmiṃl loke dhṛtaḥ // (47) Par.?

purastāt prāyaṇaṃ kuryāt svargakāmasya // (48) Par.?

asau vā ādityaḥ svargo lokaḥ // (49) Par.?

amuṣyainam ādityasya sāmakṣaṃ gamayati // (50) Par.?

dakṣiṇataḥ prāyaṇaṃ kuryād yaṃ kāmayeta pitṛloka ṛdhnuyād iti // (51) Par.?

eṣā vai pitṝṇāṃ dik // (52) Par.?

pitṛloka eva ṛdhnoti // (53) Par.?

paścāt prāyaṇaṃ kuryāt prajākāmasya // (54) Par.?

paścād vai reto dhīyate // (55) Par.?

reto dīkṣitaḥ // (56) Par.?

reto 'smin dadhāti // (57) Par.?

uttarataḥ prāyaṇaṃ kuryād yaṃ kāmayeta manuṣyaloka ṛdhnuyād iti // (58) Par.?

eṣā vai manuṣyāṇāṃ dik // (59) Par.?

manuṣyaloka eva ṛdhnoti // (60) Par.?

uttarataḥ purastāt prāyaṇaṃ kuryād yaṃ kāmayetobhayor lokayor ṛdhnuyād iti // (61) Par.?

ubhayor vā etal lokayoḥ // (62) Par.?

ubhayor eva lokayor ṛdhnoti // (63) Par.?

sarvataḥ prāyaṇaṃ kuryād yaṃ kāmayeta sarvāsu dikṣv ity ṛdhnuyād iti // (64) Par.?

sarvāsu dikṣv ity ṛdhnoti // (65) Par.?