Texts

pathyāṃ svastiṃ yajati // (1) Par.?

vāg vai pathyā svastiḥ // (2) Par.?

vācam eva tad ātmanas spṛṇoti // (3) Par.?

agniṃ yajati // (4) Par.?

yad evāsya śuṣkam agnidāhyaṃ tat tena spṛṇoti // (5) Par.?

somaṃ yajati // (6) Par.?

yad evāsyārdram ātmano 'nagnidāhyaṃ tat tena spṛṇoti // (7) Par.?

prasavāyaiva savitā // (8) Par.?

samiṣṭyai pratiṣṭhityā aditiḥ // (9) Par.?

pathyayā svastyā prayanti // (10) Par.?

pathyayā svastyodyanti // (11) Par.?

vāg vai pathyā svastiḥ // (12) Par.?

vācaiva prayanti // (13) Par.?

vācodyanti // (14) Par.?

ādityaṃ prāyaṇīyaṃ bhavati // (15) Par.?

ādityam udayanīyam // (16) Par.?

asmiṃś caiva loke 'muṣmiṃś ca yajñamukhena pratitiṣṭhati // (17) Par.?

diśo vai svargo lokaḥ // (18) Par.?

etaddevatyā diśaḥ // (19) Par.?

yat prāyaṇīyena yajate diśa eva svargaṃ lokam abhyātiṣṭhati // (20) Par.?

yathā vai tejany ūyata evaṃ yajña ūyate // (21) Par.?

yad ādityaṃ prāyaṇīyaṃ bhavaty ādityam udayanīyam // (22) Par.?

barsā evaitā antato nahyati draḍhimne 'prasraṃsāya // (23) Par.?

yāḥ prāyaṇīyasyānuvākyās tā udayanīyasya yājyāḥ // (24) Par.?

yā yājyās tā anuvākyāḥ // (25) Par.?

yenaiva prayanti tenodyanti pratipadatvāya pratiprajñātyai // (26) Par.?

vyatiṣajed yājyānuvākyā yaṃ dviṣyāt tasya // (27) Par.?

prainam asmāl lokāc cyāvayati // (28) Par.?

nāmuṃ prāpayati // (29) Par.?

yathā patha udety evaṃ tat // (30) Par.?

ubhayata evainaṃ chinatti // (31) Par.?

ananuyājaṃ prāyaṇīyaṃ syāt // (32) Par.?

aprayājam udayanīyam // (33) Par.?

samānaṃ vā etaddhaviḥ saṃtatyai // (34) Par.?

ātmā vai prayājāḥ // (35) Par.?

prajānuyājāḥ // (36) Par.?

yad evaṃ kuryād ātmānaṃ ca prajāṃ cāntariyād aprajāḥ pramīyeta // (37) Par.?

prayājavatī evānuyājavatī syātām // (38) Par.?

samānaṃ vā etaddhaviḥ // (39) Par.?

samānī devatā // (40) Par.?

samānaṃ mekṣaṇam // (41) Par.?

tenaiva yajñaṃ saṃtanoti // (42) Par.?

nātmānaṃ na prajām antareti // (43) Par.?

saṃsthāpyā3n na saṃsthāpyā3m iti mīmāṃsante // (44) Par.?

sravati vai yajño 'saṃsthitaḥ // (45) Par.?

taṃ sravantaṃ yajamāno 'nu parāsravati prajayā ca paśubhiś ca // (46) Par.?

saṃsthāpyam eva // (47) Par.?

patnīṃ tu na saṃyājayet // (48) Par.?

amedhyā vā eṣāpūtā // (49) Par.?

neśvarā svargaṃ lokaṃ gantoḥ // (50) Par.?

tām udayanīye saṃyājayati // (51) Par.?

yathā pravāsī svam āyatanam āgacchaty evam evaitat patnīṃ yajamāno 'smiṃl loke 'bhi pratitiṣṭhati // (52) Par.?

dīkṣitānnaṃ hi vā ījānā adanti // (53) Par.?

atha na vasīyāṃso bhavanti // (54) Par.?

dīkṣito vai tarhi yarhi prāyaṇīyena yajate // (55) Par.?

dīkṣitas tarhi yarhy avabhṛthād udeti // (56) Par.?

prāyaṇīyasya niṣkāṣa udayanīyam abhinirvapati // (57) Par.?

udayanīyasyaiva nāśnīyāt // (58) Par.?

dīkṣitānnam eva parivṛṇakti // (59) Par.?

vasīyān bhavati // (60) Par.?