Texts

yukto 'nyo 'naḍvān bhavati vimukto 'nyaḥ // (1) Par.?

athātithyaṃ nirvapati yajñasya saṃtatyai // (2) Par.?

patnyā hastān nirvapati // (3) Par.?

patnī vai pāreṇahyasyeśe // (4) Par.?

patnyaiva rātam anumataṃ kriyate // (5) Par.?

yad vai patnī yajñe karoti tan mithunam // (6) Par.?

mithunatvāya vai patnyā hastān nirvapati // (7) Par.?

eṣa vai patnyā yajñasyānvārambho yad yajñe karoti // (8) Par.?

anvārambhāya vai patnyā hastān nirvapati // (9) Par.?

agnes tanūr asi viṣṇave tveti gāyatrīṃ tena chandasā gṛhṇāti somasya tanūr asi viṣṇave tveti triṣṭubhaṃ tenātither ātithyam asi viṣṇave tveti jagatīṃ tenāgnaye tvā rāyaspoṣade viṣṇave tvety anuṣṭubhaṃ tena // (10) Par.?

śyenāya tvā somabhṛte viṣṇave tveti // (11) Par.?

gāyatrī vai śyenaḥ somabhṛt // (12) Par.?

tāṃ vā etat punar ālabhate 'yātayāmnīṃ pāṅktatvāya // (13) Par.?

pāṅkto yajñaḥ // (14) Par.?

yāvān eva yajñas tam ālabdha // (15) Par.?

etad vai chandāṃsy agrahīt // (16) Par.?

taiś chandobhir gṛhītair yajñaṃ gṛhṇāti // (17) Par.?

yāvanto vā atithim anvāyanty api teṣāṃ bhāgaḥ // (18) Par.?

chandāṃsi vā etam amuto 'nvāyanti // (19) Par.?

tebhya eṣa bhāgaḥ krīyate // (20) Par.?

varuṇo vai yajñaḥ krītaḥ // (21) Par.?

viṣṇuḥ pratataḥ // (22) Par.?

pratato vā etarhi yajñaḥ // (23) Par.?

tasmād vaiṣṇavo navakapālo bhavati // (24) Par.?

trivṛtaṃ vā etad yajñamukhe vyāyātayanti trivṛtā prayanti // (25) Par.?

te vai trayas trikapālāḥ // (26) Par.?

trikapālo vaiṣṇavo devatayā // (27) Par.?

viṣṇuṃ vai devā ānayan vāmanaṃ kṛtvā // (28) Par.?

yāvad ayaṃ trir vikramate tad asmākam iti // (29) Par.?

sa vā idam evāgre vyakramata // (30) Par.?

athedam athādaḥ // (31) Par.?

tasmāt trikapālo vaiṣṇavaḥ // (32) Par.?

somasya vā etad ātithyaṃ yad ātithyam // (33) Par.?

atha vā etad agner ātithyaṃ yad agnā agniṃ manthanti // (34) Par.?

atho yajñāya vā etat krītāya devatāṃ janayanti // (35) Par.?

atho teja evāsmai janayanti // (36) Par.?

atho upasatsu vāvāsmā etad vīraṃ janayanti // (37) Par.?

ā hāsya vīro jāyate // (38) Par.?

ye vai devāḥ sādhyā yajñam atyamanyanta teṣāṃ vā etad yad atiriktaṃ yajñe kriyate // (39) Par.?

atiriktaṃ vā etad yajñe kriyate yad agnā agniṃ juhvati // (40) Par.?

yac caṣālād upary ūpasya tad evaināṃ spṛśati // (41) Par.?

saṃsthāpyā3n na saṃsthāpyā3m iti mīmāṃsante // (42) Par.?

yat saṃsthāpayed yajñamukhe yajñaṃ saṃsthāpayet // (43) Par.?

ātithyaṃ vā upasadāṃ prayājās tānūnaptram āśīḥ // (44) Par.?

tasmād iḍāntam eva kāryam // (45) Par.?

ātithyaṃ vā upasadāṃ prayājāḥ // (46) Par.?

tasmāt tā aprayājāḥ // (47) Par.?

upasado vā ātithyasyānuyājāḥ // (48) Par.?

tasmāt tās tisraḥ // (49) Par.?

trayo hy anuyājāḥ // (50) Par.?

śiro vā ātithyam // (51) Par.?

grīvā upasadaḥ // (52) Par.?

athaiṣa itaro yajñaḥ saṃhitaḥ // (53) Par.?

prajāpater vā etāni pakṣmāṇi yad aśvavārāḥ // (54) Par.?

asya bhruvā ikṣukāṇḍe // (55) Par.?

yajñamukhaṃ prajāpatiḥ // (56) Par.?

yajñamukhād evādhi yajñamukhaṃ pratanute // (57) Par.?

aśvo vai medhyaḥ // (58) Par.?

yajñaḥ prajāpatiḥ // (59) Par.?

prājāpatyo 'śvaḥ // (60) Par.?

tasmād āśvavāraḥ prastaraḥ // (61) Par.?

kārṣmaryamayāḥ paridhayo bhavanti rakṣasām apahatyai // (62) Par.?