Texts

asurāṇāṃ vā eṣu lokeṣu pura āsann ayasmayy asmiṃl loke rajatāntarikṣe hariṇī divi // (1) Par.?

te devāḥ saṃstambhaṃ saṃstambhaṃ parājayanta // (2) Par.?

anāyatanā hy āsan // (3) Par.?

ta etāḥ pratipuro 'minvata havirdhānaṃ divy āgnīdhram antarikṣe sadaḥ pṛthivyām // (4) Par.?

te 'bruvann upasīdāma // (5) Par.?

upasadā vai mahāpuraṃ jayantīti // (6) Par.?

ta upāsīdan // (7) Par.?

tad upasadām upasattvam // (8) Par.?

tān ebhyo lokebhyaḥ prāṇudanta // (9) Par.?

ta ebhyo lokebhyaḥ praṇuttā ahar aśrayanta // (10) Par.?

yat prātar upasadam upāyann ahna enāṃs tena prāṇudanta // (11) Par.?

te 'hnaḥ praṇuttā rātrīm aśrayanta // (12) Par.?

yat sāyam upasadam upāyan rātryā enāṃs tena prāṇudanta // (13) Par.?

tato devā abhavan parāsurāḥ // (14) Par.?

tad ya evaṃ vidvān upasadam upaity ahorātrābhyām eva bhrātṛvyam ebhyo lokebhyaḥ praṇudate // (15) Par.?

bhavaty ātmanā // (16) Par.?

parāsya bhrātṛvyo bhavati // (17) Par.?

atha vai tarhi neṣur āsīt // (18) Par.?

te devā etām iṣuṃ samaskurvann agniṃ śṛṅgaṃ somaṃ śalyaṃ viṣṇuṃ kulmalam // (19) Par.?

te 'bruvan ka imām iṣum avasrakṣyatīti // (20) Par.?

te devā abruvann ayam eva rudra iti // (21) Par.?

so 'bravīd bhāgo me 'stv iti // (22) Par.?

vṛṇīṣvety avadan // (23) Par.?

so 'bravīn naivam ekaś caneṣum astām mīmāṃsātā iti // (24) Par.?

tasmād etasyeṣur astā na mīmāṃsitavyā // (25) Par.?

satyaṃham ity eva brūyāt // (26) Par.?

tāṃ vai rudro vyasṛjat // (27) Par.?

eṣa hi devānāṃ krūratamaḥ // (28) Par.?

tayemāḥ puro 'bhinat // (29) Par.?

agninā vai sa tās tejasābhinat // (30) Par.?

tasmād agniḥ prathama ijyate // (31) Par.?

yad anyāṃ devatāṃ pūrvāṃ yajed avīryavatīḥ syuḥ // (32) Par.?

aṣṭau kṛtvo juhvāṃ gṛhṇāti catur upabhṛti // (33) Par.?

pūrvārdho hīṣoḥ samāhitatamaḥ // (34) Par.?

sakṛt parāṅ atikrāmati // (35) Par.?

sakṛddhy eveṣuḥ parācy apatat // (36) Par.?

atikramyāśrāvayati yajñasyābhijityai // (37) Par.?

yad anatikramyāśrāvayed anabhijito 'sya yajñaḥ syāt // (38) Par.?

sruveṇopasado juhoti // (39) Par.?

purāṃ vā eṣa jitānām anvārohaḥ // (40) Par.?

ekām ekāhaṃ juhoty ekām ekāham // (41) Par.?

ekāṃ hi ta ekāham ajayann ekām ekāham // (42) Par.?

tisra upasado juhoti // (43) Par.?

trayo vā ime lokāḥ // (44) Par.?

eṣāṃ lokānām abhijityai // (45) Par.?

agninā vai mukhena devā imāṃl lokān anvavāyann upasadbhir asurān parāṇudya // (46) Par.?

agninā vā etan mukhena yajamāna imāṃl lokān anvavaity upasadbhir bhrātṛvyaṃ parāṇudya // (47) Par.?

yāḥ sāyam anuvākyās tāḥ prātar yājyāḥ syuḥ // (48) Par.?

yāḥ prātar anuvākyās tāḥ sāyaṃ yājyāḥ syuḥ // (49) Par.?

tathobhayīr vīryavatīr bhavanti // (50) Par.?