Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17671
  • Click on a sentence to show its analysis
  • Keep the mouse pointer over a lemma to show its meanings.
ayaḥ prathamāyām avadhāya juhoti rajataṃ madhyamāyāṃ haritam uttamāyām // (1) Par.?
etad vai bṛhaspatir devebhyaḥ pūrjayanam akarot // (2) Par.?
yatra puraṃ yudhyeyus tad etābhir juhuyāt // (3) Par.?
sarā vā eṣā yajñasya // (4) Par.?
tasmād yat kiṃ ca prācīnam agnīṣomīyāt tad upāṃśu caranti // (5) Par.?
atha vā etad agnīṣomīyaṃ prati vācaṃ visṛjante // (6) Par.?
yajñam evāptvā vācaṃ visṛjante // (7) Par.?
ghṛtaṃ vai devā vajraṃ kṛtvā somam aghnan // (8) Par.?
srucau bāhū // (9) Par.?
tasmāt srucau saumīm āhutiṃ nāśāte // (10) Par.?
avadhiṣur vā etat somaṃ yad asya srucau cājyaṃ cāntikam abhārṣuḥ // (11) Par.?
yad āhāṃśuraṃśuṣ ṭe deva somāpyāyatām iti yad evāsya ghnantaḥ krūram akraṃs tad akrūram akaḥ // (12) Par.?
tad āpyāyayati // (13) Par.?
sarva ṛtvijā āpyāyayanti // (14) Par.?
sarve hi tāntaṃ bhiṣajyanti // (15) Par.?
yanti vā ete 'smāl lokād ye somam āpyāyayitum udasthuḥ // (16) Par.?
parāñco hi yanti // (17) Par.?
īśvarāḥ prametoḥ // (18) Par.?
yad āhaiṣṭā rāyā eṣṭā vāmāni preṣe bhagāyeti tenāsmāl lokān naiti // (19) Par.?
tenāsmiṃl loke dhṛtāḥ // (20) Par.?
anayor vā eṣa garbhaḥ // (21) Par.?
ābhyām eṣa āvṛścate yaḥ somaṃ hanti // (22) Par.?
yad āha namo dive namaḥ pṛthivyā ity ābhyām eva namo 'kaḥ // (23) Par.?
ātithyaṃ vā upasadāṃ prayājāḥ // (24) Par.?
tānūnaptram āśīḥ // (25) Par.?
tasmān na hotāraṃ vṛṇīte nārṣeyam // (26) Par.?
sīda hotar ity evāha // (27) Par.?
caturvratas tisraḥ // (28) Par.?
catvāri hīṣoḥ parṇāni // (29) Par.?
trivratas tisraḥ // (30) Par.?
triṣandhir hīṣuḥ // (31) Par.?
śṛṅgaṃ śalyaḥ kulmalam // (32) Par.?
dvivratas tisraḥ // (33) Par.?
dviṣandhir hīṣuḥ // (34) Par.?
śalyaś ca kulmalaṃ ca // (35) Par.?
ekavratas tisraḥ // (36) Par.?
ekā hy eveṣuḥ // (37) Par.?
eṣā vai parovarīyasī dīkṣā kanīyo vratam upaiti // (38) Par.?
jyāyāṃsaṃ lokam abhijayati // (39) Par.?
ekavratas tisraḥ // (40) Par.?
dvivratas tisraḥ // (41) Par.?
trivratas tisraḥ // (42) Par.?
caturvratas tisraḥ // (43) Par.?
eṣā vā utkrāmantī svargakāmasya // (44) Par.?
uttaramuttaraṃ śvaḥśvaḥ śreyān bhavati ya evaṃ veda // (45) Par.?
yad dvādaśāgniṣṭomasyopasadaḥ syur aśāntā nidaheyuḥ // (46) Par.?
yat tisro 'hinasya // (47) Par.?
yathā garīyān bhāra uṣṇihāṃ niśriṇāty evaṃ tat // (48) Par.?
tat tisra evāgniṣṭomasyopasadaḥ kāryā dvādaśāhinasya savīryatvāya // (49) Par.?
Duration=0.11623406410217 secs.