Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17678
  • Click on a sentence to show its analysis
  • Keep the mouse pointer over a lemma to show its meanings.
haste hiraṇyaṃ kṛtvā mimīte // (1) Par.?
satyaṃ vai hiraṇyam // (2) Par.?
satyenaivainaṃ mimīte // (3) Par.?
amṛtaṃ vai hiraṇyam // (4) Par.?
amṛtenaivainaṃ mimīte // (5) Par.?
āsmāko 'sīti // (6) Par.?
svam evainaṃ kurute // (7) Par.?
śukras te graha iti // (8) Par.?
śukram evāsya gṛhṇāti // (9) Par.?
abhi tyaṃ devaṃ savitāram iti // (10) Par.?
savitṛprasūta evainaṃ devatābhir mimīte // (11) Par.?
aticchandasā mimīte // (12) Par.?
varṣma vā eṣā chandasāṃ yad aticchandāḥ // (13) Par.?
varṣmaivainau gamayati yajñaṃ ca yajamānaṃ ca // (14) Par.?
ekaikayā mimīte // (15) Par.?
āsām eva vīryāṇy āpnoti // (16) Par.?
tasmād imāḥ kāmaṃ nyacāmaḥ kāmaṃ prasārayāmaḥ // (17) Par.?
yat sarvābhis saha mimīta hastam āsāṃ vīryam abhisamiyāt // (18) Par.?
aṅguṣṭhena pratimimīte // (19) Par.?
tasmād eṣa etāsāṃ vīryāṇi prati // (20) Par.?
ud eva sṛjet // (21) Par.?
na nyacet // (22) Par.?
yan nyacet pāśaṃ kuryāt // (23) Par.?
varuṇyaḥ pāśaḥ // (24) Par.?
varuṇa enaṃ grāhukas syāt // (25) Par.?
yad utsṛjati varuṇapāśād evātmānaṃ parivṛṇakti // (26) Par.?
dvir mimīte // (27) Par.?
dve hi śukriye savane // (28) Par.?
daśa kṛtvo mimīte // (29) Par.?
daśākṣarā virāṭ // (30) Par.?
annaṃ virāṭ // (31) Par.?
virājy evānnādye pratitiṣṭhati // (32) Par.?
yat parimitaṃ mimīta parimitaṃ jīvanaṃ syāt // (33) Par.?
aparimitaṃ mimīte // (34) Par.?
tasmād idam aparimitaṃ jīvanam // (35) Par.?
yat parimitaṃ mimīta yajamānāyaiva syāt // (36) Par.?
aparimitaṃ mimīte // (37) Par.?
tena sadasyebhyo 'pi kriyate // (38) Par.?
prajābhyas tvā prajās tvānuprāṇantv iti // (39) Par.?
prajā vā aṃśavaḥ // (40) Par.?
prajāsv eva prāṇaṃ dadhāti // (41) Par.?
caturgṛhītam ājyaṃ bhavati // (42) Par.?
catuṣpādaḥ paśavaḥ // (43) Par.?
paśūn evāsmai gṛhṇāti // (44) Par.?
etadrūpā vai paśavaḥ // (45) Par.?
yad ghṛtaṃ sarūpān eva paśūn avarunddhe // (46) Par.?
iyaṃ te śukra tanūr idaṃ varca iti hiraṇyaṃ ghṛte 'vadadhāti // (47) Par.?
eṣā vā agneḥ priyā tanūr yad ghṛtam // (48) Par.?
tejo hiraṇyam // (49) Par.?
priyām evāsya tanvaṃ tejasā samardhayati // (50) Par.?
reto vai hiraṇyam // (51) Par.?
paśavo ghṛtam // (52) Par.?
yaddhiraṇyaṃ ghṛte 'vadadhāti paśuṣv eva reto dadhāti // (53) Par.?
tasmād anasthakād retaso 'sthanvanto garbhāḥ prajāyante // (54) Par.?
baddhvāvadadhāti garbhāṇāṃ dhṛtyā aprapādāya // (55) Par.?
niṣṭarkyaṃ badhnāti // (56) Par.?
tasmād yoner garbhā mucyante // (57) Par.?
yad aniṣṭarkyaṃ badhnīyān na yoner garbhā mucyeran // (58) Par.?
yajuṣāvadadhāti // (59) Par.?
yajuṣoddharati // (60) Par.?
yajuṣaiva yunakti // (61) Par.?
yajuṣā vimuñcati // (62) Par.?
tasmāt parācīḥ prajā reto dadhate 'rvācīḥ prajāyante // (63) Par.?
Duration=0.21687006950378 secs.