Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17684

Click on a sentence to show its analysis
Keep the mouse pointer over a lemma to show its meanings.

lomabhyo 'dhi stambayajur hṛtvottaraṃ parigrāhaṃ parigṛhya saṃpreṣyati prokṣaṇīr āsādayedhmam upasādaya sruvaṃ ca srucaś ca saṃmṛḍḍhy ājyenodehīti // (1.1) Par.?

ājyagrahaṇakāle dhruvāyām eva gṛhṇāti / (2.1) Par.?

prokṣaṇīr abhimantrya brahmāṇam āmantryedhmaṃ vediṃ ca prokṣya prokṣaṇīśeṣaṃ ninīya pavitre apisṛjyaikām āghārasamidham ādhāyāntarvedi vidhṛtī nidhāya dhruvāṃ sruvaṃ ca sādayati etāv asadatām iti mantraṃ saṃnamati // (2.2) Par.?

vedaṃ nidhāya sāmidhenībhyaḥ pratipadyate // (3.1) Par.?

nava sāmidhenīr anvāha // (4.1) Par.?

tisra ṛcas trir anūktā bhavanti / (5.1) Par.?

nava vā parācīḥ // (5.2) Par.?

nānyām āhutiṃ purastāj juhuyāt / (6.1) Par.?

srauvam evāghārayet // (6.2) Par.?

samānam ā pravarāt // (7.1) Par.?

nārṣeyaṃ vṛṇīte na hotāram / (8.1) Par.?

āśrāvyāha sīda hotar iti / (8.2) Par.?

etāvān pravaraḥ // (8.3) Par.?

dhrauvād aṣṭau juhvāṃ gṛhṇāti / (9.1) Par.?

catur upabhṛti // (9.2) Par.?

ghṛtavati śabde juhūpabhṛtāv ādāya dakṣiṇā sakṛd atikrānta upāṃśuyājavat pracarati // (10.1) Par.?

ardhena jauhavasyāgniṃ yajati / (11.1) Par.?

ardhena somam // (11.2) Par.?

aupabhṛtaṃ juhvām ānīya viṣṇum iṣṭvā pratyākramya yā te agne 'yāśayā tanūr iti sruveṇopasadaṃ juhoti // (12.1) Par.?

agnīn madanty āpā3 ity etadādy ā nihnavāt kṛtvāgnīd devapatnīr vyācakṣva subrahmaṇya subrahmaṇyām āhvayeti // (13.1) Par.?

apareṇa gārhapatyam āgnīdhra upaviśya devapatnīr vyācaṣṭe senendrasya dheneti / (14.1) Par.?

utkare subrahmaṇyām āhvayati / (14.2) Par.?

pūrvavad enāṃ yajamāno 'numantrayate // (14.3) Par.?

Duration=0.087071895599365 secs.