Texts

etāvatī vā iyaṃ pṛthivī yāvatī vediḥ // (1) Par.?

aparimitād vā etad bhrātṛvyaṃ nirbhajya yajamānāya parigṛhṇāti // (2) Par.?

ṛkṣaṃ vā amedhyam // (3) Par.?

āpo haviḥ // (4) Par.?

yat prokṣati medhyam evainat karoti // (5) Par.?

ṛkṣaṃ vā amedhyam // (6) Par.?

yad barhiḥ stṛṇāti medhyām evaināṃ karoti // (7) Par.?

etāvatī vā iyaṃ pṛthivī yāvatī vediḥ // (8) Par.?

prajā barhiḥ // (9) Par.?

yad barhiḥ stṛṇāty asyāṃ vā etat prajāḥ pratiṣṭhāpayati // (10) Par.?

yajamāno vai prastaraḥ // (11) Par.?

prajā barhiḥ // (12) Par.?

yat prastaram uttaraṃ barhiṣaḥ sādayati yajamānaṃ vā etad upariṣṭād āsāṃ prajānāṃ dadhāti // (13) Par.?

atha yat tṛṇe antardadhāti tena yajamāno yajamānena vyāvartate // (14) Par.?

bahulaṃ barhiḥ stṛṇāti // (15) Par.?

akṣodhukā asya paśavo bhavanti // (16) Par.?

prācīnaṃ barhiḥ stṛṇāti // (17) Par.?

prāṅ hi yajñaḥ // (18) Par.?

yat pratīcīnaṃ stṛṇīyāt pratyādājyāsya rāṣṭraṃ ghātukaṃ syāt // (19) Par.?

deveṣur vai vediḥ // (20) Par.?

yatra vai deveṣvā saṃnatayā kāmayate taddhanti // (21) Par.?

yad vediṃ kalpayati deveṣuṃ vā etat saṃnamati // (22) Par.?

tayā saṃnatayā yatra yajamānaḥ kāmayate taddhanti // (23) Par.?

trayo vai pūrve 'gnayaḥ prādhanvan havyaṃ devebhyo vahantaḥ // (24) Par.?

vaṣaṭkāraḥ prāvṛścat // (25) Par.?

atha yo 'yam idānīṃ sa bhīṣāpādravadīt // (26) Par.?

ṛg u sa āriṣyatīti // (27) Par.?

taṃ devā apāśāsur upa nā āvartasveti // (28) Par.?

so 'bravīd bhāgo me 'stv iti // (29) Par.?

vṛṇīṣvety abruvan // (30) Par.?

so 'bravīt trayo vai me pūrve bhrātaraḥ prādhanvan havyaṃ devebhyo vahantaḥ // (31) Par.?

vaṣaṭkāraḥ prāvṛścat teṣāṃ bhāgo 'stv iti // (32) Par.?

vṛṇīṣvety abruvan // (33) Par.?

so 'bravīd yad eva kiṃ cāhutaṃ bahiṣparidhi skandet tad eva teṣāṃ bhāgadheyam asad iti // (34) Par.?

teṣāṃ vā etad bhāgadheyam // (35) Par.?

asthanvanto hi vai ta āsan // (36) Par.?

atha te prādhanvan // (37) Par.?

so 'bravīd asthāni nu dhaviṣye // (38) Par.?

athopāvartsyāmīti // (39) Par.?

te vā anvāyan // (40) Par.?

te samantaṃ paryaviśan yajñasya gopīthāya // (41) Par.?

ayaṃ vāva yajñāyopadhīyate 'yaṃ yajamānāyāyaṃ bhrātṛvyāya // (42) Par.?

imau prataraṃ karotīmam apataram // (43) Par.?

yajñena vā etad yajamānaṃ prataraṃ karoti yajñenāsya bhrātṛvyam apataraṃ karoti // (44) Par.?

saṃdhiṃ pratijuhoti // (45) Par.?

na hy agnim āhutis tarati // (46) Par.?

mukhata evainān prīṇāti // (47) Par.?

atho sutīrthena vā etad āhutīs tārayati // (48) Par.?

ayaṃ vāva bhūpatiḥ // (49) Par.?

ayaṃ bhuvanapatiḥ // (50) Par.?

ayaṃ bhūtānāṃ patiḥ // (51) Par.?

atha yo 'yam idānīṃ sa bhūtiḥ // (52) Par.?

yad āhutaṃ bahiṣparidhi skandet tad abhimantrayeta // (53) Par.?

bhūpataye svāhā / (54.1) Par.?

bhuvanapataye svāhā / (54.2) Par.?

bhūtānāṃ pataye svāheti // (54.3) Par.?

bhāgadheyaṃ vāvaiṣām etat // (55) Par.?

prīṇāty evainān // (56) Par.?

atho haviṣā vā etat skannena dvitīyām āśiṣam avarunddhe // (57) Par.?

etaddha sma vā āhāruṇa aupaveśiḥ kim u sa yajñena yajeta yo haviṣā skannena dvitīyām āśiṣam avarundhaṃ na vidyād iti // (58) Par.?

tad dvitīyām evaitenāśiṣam avarunddhe // (59) Par.?