Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17723
  • Click on a sentence to show its analysis
  • Keep the mouse pointer over a lemma to show its meanings.
na pūrvasmin padam upavapet // (1) Par.?
devānāṃ vā eṣa pradagdhāhutīnām // (2) Par.?
rudro 'gniḥ // (3) Par.?
paśavaḥ padam // (4) Par.?
rudrāya paśūn apidadhyāt // (5) Par.?
apaśus syāt // (6) Par.?
gārhapatya upavapati // (7) Par.?
gārhapatyaṃ vai paśavo 'nūpatiṣṭhante // (8) Par.?
eṣa paśūnāṃ yoniḥ // (9) Par.?
sva evainān yonau dadhāti // (10) Par.?
yatra śāntam ivānaṅgāraṃ syāt tad upavapecchāntyā anuddāhāya // (11) Par.?
somaṃ te krīṇāmīti // (12) Par.?
somasyaivaitad rājño vīryāṇi mahimānaṃ vyācaṣṭe // (13) Par.?
na kalāśaḥ paṇeta // (14) Par.?
yat kalāśaḥ paṇate somasya rājño vīryam avatirati // (15) Par.?
yajamānasyāvartiṃ vyācaṣṭe // (16) Par.?
kṣodhuko bhavati // (17) Par.?
iyam iti brūyāt // (18) Par.?
tasyā ātmā tasyā rūpaṃ tasyāḥ prajā tasyāḥ paya iti // (19) Par.?
na somasya rājño vīryam avatirati // (20) Par.?
na yajamānasyāvartiṃ vyācaṣṭe // (21) Par.?
akṣodhuko bhavati // (22) Par.?
śukraṃ te śukreṇa krīṇāmi candraṃ candreṇāmṛtam amṛteneti // (23) Par.?
śukram evāsya śukreṇa krīṇāti // (24) Par.?
candraṃ candreṇāmṛtam amṛtena śakma yat te gor asme te candrāṇīti // (25) Par.?
ātmann evāsya vīryaṃ dhatte // (26) Par.?
tena nirvīryeṇa bhūtena vikrīṇīte // (27) Par.?
tapasas tanūr asīti // (28) Par.?
tapaso hy eṣā tanūḥ // (29) Par.?
prajāpater varṇa iti // (30) Par.?
agnir vai prajāpateḥ // (31) Par.?
agnijā ajāḥ // (32) Par.?
sahasrapoṣaṃ puṣyantīti // (33) Par.?
eṣā hi paśūnāṃ sahasrapoṣaṃ puṣyati // (34) Par.?
ato hy eṣā trīñ janayaty atho dvau // (35) Par.?
parameṇa paśunā krīyasa iti // (36) Par.?
paramo hy eṣā paśūnām // (37) Par.?
asme te bandhur iti // (38) Par.?
ātmann evāsyā vīryaṃ dhatte // (39) Par.?
tayā nirvīryayā bhūtayā vikrīṇīte // (40) Par.?
chandāṃsi vā amuṣmāl lokāt somam āharan // (41) Par.?
tat tamo 'ntarādhīyata // (42) Par.?
sā gāyatry ajayā jyotiṣodapatat // (43) Par.?
sāsyai prārocayat // (44) Par.?
etarhi vā eṣa etasmā āhriyate yarhi krīyate // (45) Par.?
tama idam antarā // (46) Par.?
yad ajayā krīṇāti praivāsmai rocayati // (47) Par.?
mitro na ehi sumitradhā iti // (48) Par.?
varuṇo vā eṣa bhūtvā yajamānam abhyaiti // (49) Par.?
mitram evainaṃ kurute // (50) Par.?
aporṇute // (51) Par.?
yathā śreyāṃsam āyāntaṃ pāpīyān pratyaporṇuta evam eva tat // (52) Par.?
indrasyorum āviśa dakṣiṇam iti // (53) Par.?
indro vā etam agra ūrā ādhatta // (54) Par.?
aindro yajamānaḥ // (55) Par.?
sva evainaṃ yonau dadhāti // (56) Par.?
svān nabhrāḍ iti // (57) Par.?
somakrayaṇān anudiśati // (58) Par.?
ete vā etad gandharvā agopāyann amuṣmiṃl loke // (59) Par.?
taṃ gāyatry āharat // (60) Par.?
neṣṭāpotroḥ prati gopītham // (61) Par.?
tasmād ete hotre vyṛddhe vyṛddhasomapīthe // (62) Par.?
tasmān na neṣṭrā na potrā bhavitavyam // (63) Par.?
tasmād etau saṃsacantā iva yajataḥ // (64) Par.?
tam ete 'nvāyan // (65) Par.?
ete vā etasya gandharvāḥ puṣṭiṃ haranti // (66) Par.?
tasmāt somavikrayī na puṣyati // (67) Par.?
yadi kṛcchrāyetopaiva hareta // (68) Par.?
etebhyo hy eṣa gandharvebhyo 'dhi krīyate // (69) Par.?
ud āyuṣeti yathāyajuḥ // (70) Par.?
urv antarikṣaṃ vīhīti // (71) Par.?
antarikṣadevatyo hy eṣa etarhi // (72) Par.?
api panthām aganmahīti // (73) Par.?
rakṣāṃsi vā etam etarhi sacante // (74) Par.?
pracyutam itaḥ // (75) Par.?
aprāptam adaḥ // (76) Par.?
rakṣāṃsy eva vṛñjāna eti // (77) Par.?
anasāccha yanti // (78) Par.?
mahimānam evāsyāccha yanti // (79) Par.?
anasā vahanti // (80) Par.?
tasmād anovāhyam oṣadhayaḥ pacyante // (81) Par.?
yac chīrṣṇā hareyuś śīrṣahāryam oṣadhayaḥ pacyeran // (82) Par.?
adityās tvag asi // (83) Par.?
adityās sadane sīdeti // (84) Par.?
ādityo vai somaḥ pṛthivy aditiḥ // (85) Par.?
pṛthivyā anas saṃbhṛtam // (86) Par.?
sva evainaṃ yonau dadhāti // (87) Par.?
vāruṇo vai somaḥ // (88) Par.?
taṃ devatayā vyardhayati yan mitraṃ karoti // (89) Par.?
yad vāruṇyā sādayati svayaivainaṃ devatayā samardhayati // (90) Par.?
vaneṣu vy antarikṣaṃ tatāneti // (91) Par.?
vāsasā paryānahyati // (92) Par.?
sarvadevatyaṃ vai vāsaḥ // (93) Par.?
sarvābhir evainaṃ devatābhis samardhayati // (94) Par.?
sūryasya cakṣur āruham iti // (95) Par.?
kṛṣṇājinaṃ purastāt pratyānahyanti // (96) Par.?
rakṣāṃsi vā etam etarhi jighāṃsanti svargaṃ lokam abhyārohantam // (97) Par.?
asā ādityo 'pariparaḥ panthāḥ // (98) Par.?
tam evainam abhyārohayati svargasya lokasya samaṣṭyai // (99) Par.?
Duration=0.25578308105469 secs.