Texts

Help

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 1786

Click on a sentence to show its analysis
Keep the mouse pointer over a lemma to show its meanings.

dvitīyoddiṣṭasya mardanasya sādhanaṃ spaṣṭayannāha guḍetyādi // (1) Par.?

etair auṣadhair dinatrayaṃ parimāṇaṃ rasasya mardanaṃ kāryam // (2) Par.?

etaiḥ kaiḥ guḍadagdhorṇālavaṇaiḥ guḍa ikṣuvikāraḥ prasiddhaḥ dagdhorṇā dagdhā cāsau ūrṇā ceti samāsaḥ ūrṇā pratītā meṣaromanicayam ityarthaḥ lavaṇaṃ saindhavamekaṃ guḍadagdhorṇārajanī iti vā pāṭhaḥ tatra haridrā grāhyā na saindhavam // (3) Par.?

rasaṣoḍaśāṃśamānaiḥ rasātṣoḍaśāṃśapramāṇaiḥ // (4) Par.?

aṃśa ityasya pratyekaṃ sambandhaḥ // (5) Par.?

viśeṣaścātra vastraiścaturguṇair baddhaḥ sūtaḥ sthāpyaḥ śubhe 'hani // (6) Par.?

lohārkāśmajakhalve tu tapteṣveva tu mardayet // (7) Par.?

uddiṣṭair oṣadhaiḥ sārdhaṃ sarvāmlaiḥ kāñjikairapi / (8.1) Par.?

peṣaṇaṃ mardanākhyaṃ syāttadbahirmalanāśanam iti paribhāṣā // (8.2) Par.?

atra yantraṃ tu khalvākhyaṃ jñeyam // (9) Par.?

tallakṣaṇaṃ tu khalvayogyā śilā nīlā śyāmā snigdhā dṛḍhā guruḥ // (10) Par.?

ṣoḍaśāṅgulikotsedhā navāṅgulikavistarā iti // (11) Par.?

khalvayogyaśilālakṣaṇaṃ prasaṅgād uktam // (12) Par.?

utsedhena navāṅgulaḥ khalu kalātulyāṅgulāyāmavān vistāreṇa daśāṅgulo 'tha munibhir nimnas tathaivāṅgulaiḥ // (13) Par.?

pālyāṃ hy aṅgulavistaraśca masṛṇo 'tīvārdhacandropamo gharṣo dvādaśakāṅgulaśca tadayaṃ khalvo mato mardane iti // (14) Par.?

Duration=0.07254695892334 secs.