Texts

atra bhasma vāmadravyaṃ yad agnīndhanasaṃyogān niṣpannam // (1) Par.?

tat parakṛtaṃ pārthivaṃ bhuktaṃ dīptimat // (2) Par.?

grāmādibhyo bhaikṣyavad bhasmārjanaṃ kartavyam // (3) Par.?

snānaśayanānusnānakṛtyabandhutvān niṣparigrahatvād ahiṃsakatvād utkṛṣṭam eva śuci prabhūtaṃ grāhyaṃ sādhanatvāt // (4) Par.?

alābhe svalpam api grāhyam // (5) Par.?

ādhāro 'py alābucarmavastrādir atra prasiddhaḥ // (6) Par.?

āha kiṃ tena bhasmanā kartavyam // (7) Par.?

tad ucyate bhasmaneti tṛtīyā karaṇārthe kartuḥ kriyām ādiśati yathā vāśyā takṣaṇaṃ buddhyā pidhānam // (8) Par.?

āha atha kasmin kāle sā kriyā kartavyeti // (9) Par.?

triṣavaṇam iti // (10) Par.?

dviguḥ samāsaḥ // (11) Par.?

trīṇīti saṃkhyā // (12) Par.?

savanam iti kālanirdeśaḥ // (13) Par.?

pūrvasaṃdhyā madhyāhnasaṃdhyā aparasaṃdhyeti saṃdhyātrayam // (14) Par.?

triṣavaṇaṃ trisaṃdhyaṃ trikālam ity arthaḥ // (15) Par.?

āha triṣavaṇaṃ kim anena kartavyam // (16) Par.?

tad ucyate snāyīta // (17) Par.?

atra snānaṃ śaucakāryeṇa śarīreṣv āgantukānāṃ snehatvaglepamalagandhādīnāṃ bhasmanāpakarṣaṇaṃ kartavyam // (18) Par.?

snānaṃ tu bhasmadravyagātrasaṃyojanam // (19) Par.?

paramārthatas tu snānādi puṇyaphalasaṃyogadharmātmavacanād ātmaśaucam evaitat // (20) Par.?

kevalaṃ snānādyakaluṣāpahatapāpmādivacanāt kāryakaraṇavyapadeśenātmaśaucaṃ vyākhyāyate // (21) Par.?

ita ity etad ājñāyāṃ niyoge ca // (22) Par.?

niyogatvān nigataṃ niyatatvān nigama ity arthaḥ // (23) Par.?

kasmāt // (24) Par.?

pratitantrasiddhatvād ahiṃsakatvān niḥśreyasahetutvāc ca // (25) Par.?

bhasmanā sneyaṃ na cādbhir viparītatvād ity arthaḥ // (26) Par.?

kiṃ snānam evaivaṃ bhasmanā kartavyam // (27) Par.?

ucyate // (28) Par.?

yasmād āha // (29) Par.?