Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): arghya
Show parallels Show headlines
Use dependency labeler
Chapter id: 7384
- Click on a sentence to show its analysis
- Keep the mouse pointer over a lemma to show its meanings.
ṣaḍ arghyā bhavantyācārya ṛtvig vaivāhyo rājā priyaḥ snātaka iti // (1) Par.?
pratisaṃvatsarān arhayeyuḥ // (2) Par.?
yakṣyamāṇāstvṛtvijaḥ // (3) Par.?
āsanamāhāryāha sādhu bhavān āstām arcayiṣyāmo bhavantamiti // (4) Par.?
āharanti viṣṭaraṃ padyaṃ pādārtham udakam argham ācamanīyaṃ madhuparkaṃ dadhimadhughṛtamapihitaṃ kāṃsye kāṃsyena // (5) Par.?
anyastristriḥ prāha viṣṭarādīni // (6) Par.?
viṣṭaraṃ pratigṛhṇāti // (7) Par.?
varṣmo 'smi samānānām udyatāmiva sūryaḥ / (8.1) Par.?
imaṃ tamabhitiṣṭhāmi yo mā kaścābhidāsatīty enam abhyupaviśati // (8.2) Par.?
pādayoranyaṃ viṣṭara āsīnāya // (9) Par.?
savyaṃ pādaṃ prakṣālya dakṣiṇaṃ prakṣālayati // (10) Par.?
brāhmaṇaśceddakṣiṇaṃ prathamam // (11) Par.?
virājo doho'si virājo dohamaśīya mayi pādyāyai virājo doha iti // (12) Par.?
arghaṃ pratigṛhṇāty āpaḥ stha yuṣmābhiḥ sarvān kāmān avāpnavānīti // (13) Par.?
ninayannabhimantrayate samudraṃ vaḥ prahiṇomi svāṃ yonim abhigacchata / (14.1) Par.?
ariṣṭā asmākaṃ vīrā mā parāseci mat paya iti // (14.2) Par.?
ācāmaty ā māgan yaśasā saṃsṛja varcasā / (15.1) Par.?
taṃ mā kuru priyaṃ prajānāmadhipatiṃ paśūnām ariṣṭiṃ tanūnāmiti // (15.2) Par.?
mitrasya tveti madhuparkaṃ pratīkṣate // (16) Par.?
devasya tveti pratigṛhṇāti // (17) Par.?
savye pāṇau kṛtvā dakṣiṇasyānāmikayā triḥ prayauti namaḥ śyāvāsyāyānnaśane yat ta āviddhaṃ tatte niṣkṛntāmīti // (18) Par.?
anāmikāṅguṣṭhena ca trir nirukṣayati // (19) Par.?
tasya triḥ prāśnāti yanmadhuno madhavyaṃ paramaṃ rūpamannādyam / (20.1) Par.?
tenāhaṃ madhuno madhavyena parameṇa rūpeṇānnādyena paramo madhavyo 'nnādo 'sānīti // (20.2) Par.?
madhumatībhirvā pratyṛcam // (21) Par.?
putrāyāntevāsine vottarata āsīnāyocchiṣṭaṃ dadyāt // (22) Par.?
sarvaṃ vā prāśnīyāt // (23) Par.?
prāg vāsaṃcare ninayet // (24) Par.?
ācamya prāṇānt saṃmṛśati vāṅma āsye nasoḥ prāṇo 'kṣṇoścakṣuḥ karṇayoḥ śrotraṃ bāhvor balam ūrvorojo 'riṣṭāni me 'ṅgāni tanūstanvā me saheti // (25) Par.?
ācāntodakāya śāsam ādāya gauriti triḥ prāha // (26) Par.?
pratyāha / (27.1) Par.?
mātā rudrāṇāṃ duhitā vasūnāṃ svasādityānāmamṛtasya nābhiḥ / (27.2) Par.?
pra nu vocañ cikituṣe janāya mā gām anāgām aditiṃ vadhiṣṭa / (27.3) Par.?
mama cāmuṣya ca pāpmānaṃ hanomīti yadyālabheta // (27.4) Par.?
atha yady utsisṛkṣen mama cāmuṣya ca pāpmā hata omutsṛjata tṛṇānyattviti brūyāt // (28) Par.?
na tvevāmāṃso 'rghaḥ syāt // (29) Par.?
adhiyajñam adhivivāhaṃ kurutety eva brūyāt // (30) Par.?
yady apy asakṛt saṃvatsarasya somena yajeta kṛtārghyā evainaṃ yājayeyur nākṛtārghyā iti śruteḥ // (31) Par.?
Duration=0.097391843795776 secs.