Texts

Help

Select a text:
Bibliography

Select a chapter:
(no revisions)

Associated topic(s): vānaprastha

Show parallels Show headlines
Use dependency labeler

Chapter id: 8362

Click on a sentence to show its analysis
Keep the mouse pointer over a lemma to show its meanings.

yājñavalkya uvāca / (1.1) Par.?

vānaprasthāśramaṃ vakṣye tacchṛṇvantu maharṣayaḥ / (1.2) Par.?

putreṣu bhāryāṃ niḥkṣipya vanaṃ gacchetsahaiva vā // (1.3) Par.?

vānaprastho brahmacārī sāgniḥ sopāsanaḥ kṣamī / (2.1) Par.?

aphālakṛṣṭenāgnīṃśca pitṛdevātithīṃstathā // (2.2) Par.?

bhṛtyāṃstu tarpayecchmaśrujaṭālomabhṛdātmavān / (3.1) Par.?

dāntastriṣavaṇasnāyī nivṛttaśca pratigrahāt // (3.2) Par.?

svādhyāyavāndhyānaśīlaḥ sarvabhūtahitarataḥ / (4.1) Par.?

ahno māsasya madhye vā kuryādvārthaparigraham // (4.2) Par.?

kṛtaṃ tyajedāśvayuje yuñjet kālaṃ vratādinā / (5.1) Par.?

pakṣe māse 'thavāśnīyād dantolūkhaliko bhavet // (5.2) Par.?

cāndrāyaṇī svapedbhūmau karma kuryātphalādinā / (6.1) Par.?

grīṣme pañcāgnimadhyastho varṣāsu sthaṇḍileśayaḥ // (6.2) Par.?

ārdravāsāstu hemante yogābhyāsāddinaṃ nayet / (7.1) Par.?

yaḥ kaṇṭakairvitudati candanairyaśca limpati / (7.2) Par.?

akruddhaḥ parituṣṭaśca samastasya ca tasya ca // (7.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktavānaprasthadharmanirūpaṇaṃ nāma dvyuttaraśatatamo 'dhyāyaḥ // (8.1) Par.?

Duration=0.18829107284546 secs.