Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 8393
- Click on a sentence to show its analysis
- Keep the mouse pointer over a lemma to show its meanings.
brahmovāca / (1.1) Par.?
aśokakalikā hyaṣṭau ye pibanti punarvasau / (1.2) Par.?
caitre māsi sitāṣṭamyāṃ na te śokamavāpnuyuḥ // (1.3) Par.?
tvāmaśoka harābhīṣṭa madhumāsasamudbhava / (2.1) Par.?
pibāmi śokasaṃtapto māmaśokaṃ sadā kuru // (2.2) Par.?
brahmovāca / (3.1) Par.?
śuklāṣṭamyāmāśvayuje uttarāṣāḍhayā yutā / (3.2) Par.?
sā mahānavamītyuktā snānadānādi cākṣayam // (3.3) Par.?
navamī kevalā cāpi durgāṃ caiva tu pūjayet / (4.1) Par.?
mahāvrataṃ mahāpuṇyaṃ śaṅkarādyairanuṣṭhitam // (4.2) Par.?
ayācitādi ṣaṣṭhyādau rājā śatrujayāyā ca / (5.1) Par.?
japahomasamāyuktaḥ kanyāṃ vā bhojayetsadā // (5.2) Par.?
durge durge rakṣiṇi svāhā mantro 'yaṃ pūjanādiṣu / (6.1) Par.?
dīrghākārādimātrābhirnava devyo namo'ntikāḥ // (6.2) Par.?
ṣaḍbhiḥ padairnamaḥ svāhā vaṣaḍādihṛdādikam / (7.1) Par.?
aṅguṣṭhādikaniṣṭhāntaṃ nyasya vai pūjayecchivām // (7.2) Par.?
aṣṭamyāṃ nava gehāni dārujānyekameva vā / (8.1) Par.?
tasmindevī prakartavyā haimī vā rājatāpi vā // (8.2) Par.?
śūle khaḍge pustake vā paṭe vā maṇḍale yajet / (9.1) Par.?
kapālaṃ kheṭakaṃ ghaṇṭāṃ darpaṇaṃ tarjanīṃ dhanaḥ // (9.2) Par.?
dhvajaṃ ḍamarukaṃ pāśaṃ vāmahasteṣu bibhratī / (10.1) Par.?
śaktiṃ ca mudgaraṃ śūlaṃ vajraṃ khaḍgaṃ tathāṅkuśam // (10.2) Par.?
śaraṃ cakraṃ śalākāṃ ca durgāmāyudhasaṃyutām / (11.1) Par.?
śeṣāḥ ṣoḍaśahastāṃ syurañjanaṃ ḍamaruṃ vinā // (11.2) Par.?
rudracaṇḍā pracaṇḍā ca caṇḍogrā caṇḍanāyikā / (12.1) Par.?
caṇḍā caṇḍavatī caiva caṇḍarūpāticaṇḍikā // (12.2) Par.?
navamī cogracaṇḍā ca madhyamāgniprabhākṛtiḥ / (13.1) Par.?
rocanā tvaruṇā kṛṣṇā nīlaṃ dhūmrā ca śukrakā // (13.2) Par.?
pātā ca pāṇḍurā proktā ālīḍhaṃ haritaṃ tathā / (14.1) Par.?
japtvā daśākṣarīṃ vidyāṃ nāsau kenāpi badhyate / (15.1) Par.?
pañcadaśāṅgulaṃ khaḍgaṃ triśūlaṃ ca tato yajet / (15.2) Par.?
liṅgasyāṃ pūjayedvāpi pāduke 'tha jale 'pi vā // (15.3) Par.?
vicitrāṃ rakṣayetpūjāmaṣṭamyāmupavāsayet / (16.1) Par.?
pañcābdaṃ mahiṣaṃ bastaṃ rātriśeṣe ca ghātayet // (16.2) Par.?
vidhivat kāli kālīti taduttharudhirādikam / (17.1) Par.?
nairṛtyāṃ pūtanāṃ caiva vāyavyāṃ pāparākṣasīm // (17.2) Par.?
dadyāc carakyai caiśānyāmāgneyyāṃ ca vidārikām // (18.1) Par.?
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe mahānavamīvrataṃ nāma trayastriṃśaduttaraśatatamo 'dhyāyaḥ // (19.1) Par.?
Duration=0.096620798110962 secs.