Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 887

Click on a sentence to show its analysis
Keep the mouse pointer over a lemma to show its meanings.

atra nityatvaviśeṣaṇenānityatvaṃ nivartate // (1) Par.?

nityatvaṃ nāma sati vibhutve puruṣeśvarayor manasā saha gatasyātmatābhāvasya vṛttyākārasya viṣayaṃ prati kramo 'kṣopo 'vasthānaṃ vṛkṣaśakunivat // (2) Par.?

tasmin nirvṛtte maheśvare yukto nitya ityucyate // (3) Par.?

ātmā iti kṣetrajñamāha // (4) Par.?

kathaṃ gamyate // (5) Par.?

cittasthityupadeśād yogārthaṃ vidyācaraṇopadeśād asaṅgayogiyuktātmājamaitrādīnāṃ cetane sambhavāt na tv acetaneṣu kāryakaraṇapradhānādiṣu // (6) Par.?

tasmiṃś cetane ātmaśabdaḥ // (7) Par.?

ātmā ca kasmāt // (8) Par.?

atatītyātmā // (9) Par.?

āpūrya kāryakaraṇaṃ viṣayāṃś cetayatīty ātmā // (10) Par.?

uktaṃ hi / (11.1) Par.?

yad āpnoti yad ādatte yac cātti viṣayān punaḥ / (11.2) Par.?

yac cāsya satataṃ bhāvaḥ tasmādātmeti saṃjñitaḥ // (11.3) Par.?

sa ca śrotā spraṣṭā draṣṭā rasayitā ghrātā mantā vaktā boddhā ityevamādiḥ // (12) Par.?

uktaṃ hi / (13.1) Par.?

puruṣaś cetano bhoktā kṣetrajñaḥ pudgalo janaḥ / (13.2) Par.?

aṇur vedo 'mṛtaḥ sākṣī jīvātmā paribhūḥ paraḥ // (13.3) Par.?

iti / (14.1) Par.?

tasya sukhaduḥkhecchādveṣaprayatnacaitanyādibhir liṅgair adhigamaḥ kriyata ityarthaḥ // (14.2) Par.?

āha kiṃ lakṣaṇatrayamevāsya yuktasyocyate // (15) Par.?

na yasmādāha // (16) Par.?

Duration=0.12692093849182 secs.