Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 9847
  • Click on a sentence to show its analysis
  • Keep the mouse pointer over a lemma to show its meanings.
janiṣṭhā ugraḥ sahase turāya mandra ojiṣṭho bahulābhimānaḥ / (1.1) Par.?
avardhann indram marutaś cid atra mātā yad vīraṃ dadhanad dhaniṣṭhā // (1.2) Par.?
druho niṣattā pṛśanī cid evaiḥ purū śaṃsena vāvṛdhuṣ ṭa indram / (2.1) Par.?
abhīvṛteva tā mahāpadena dhvāntāt prapitvād ud aranta garbhāḥ // (2.2) Par.?
ṛṣvā te pādā pra yaj jigāsy avardhan vājā uta ye cid atra / (3.1) Par.?
tvam indra sālāvṛkān sahasram āsan dadhiṣe aśvinā vavṛtyāḥ // (3.2) Par.?
samanā tūrṇir upa yāsi yajñam ā nāsatyā sakhyāya vakṣi / (4.1) Par.?
vasāvyām indra dhārayaḥ sahasrāśvinā śūra dadatur maghāni // (4.2) Par.?
mandamāna ṛtād adhi prajāyai sakhibhir indra iṣirebhir artham / (5.1) Par.?
ābhir hi māyā upa dasyum āgān mihaḥ pra tamrā avapat tamāṃsi // (5.2) Par.?
sanāmānā cid dhvasayo ny asmā avāhann indra uṣaso yathānaḥ / (6.1) Par.?
sanāman
ac.d.f.
cit
indecl.
dhvasay
2. sg., Impf.
ni
indecl.
idam.
d.s.m.
avahan
3. sg., Impf.
root
indra
n.s.m.
uṣas
g.s.f.
yathā
indecl.
∞ anas.
ac.s.n.
Inclra made thee drink a thousand vessels (pātra) of soma, O cow. (Whitney and Lanman 1905)
ṛṣvair agacchaḥ sakhibhir nikāmaiḥ sākam pratiṣṭhā hṛdyā jaghantha // (6.2) Par.?
tvaṃ jaghantha namucim makhasyuṃ dāsaṃ kṛṇvāna ṛṣaye vimāyam / (7.1) Par.?
tvaṃ cakartha manave syonān patho devatrāñjaseva yānān // (7.2) Par.?
tvam etāni papriṣe vi nāmeśāna indra dadhiṣe gabhastau / (8.1) Par.?
anu tvā devāḥ śavasā madanty uparibudhnān vaninaś cakartha // (8.2) Par.?
cakraṃ yad asyāpsv ā niṣattam uto tad asmai madhv ic cachadyāt / (9.1) Par.?
pṛthivyām atiṣitaṃ yad ūdhaḥ payo goṣv adadhā oṣadhīṣu // (9.2) Par.?
aśvād iyāyeti yad vadanty ojaso jātam uta manya enam / (10.1) Par.?
manyor iyāya harmyeṣu tasthau yataḥ prajajña indro asya veda // (10.2) Par.?
vayaḥ suparṇā upa sedur indram priyamedhā ṛṣayo nādhamānāḥ / (11.1) Par.?
apa dhvāntam ūrṇuhi pūrdhi cakṣur mumugdhy asmān nidhayeva baddhān // (11.2) Par.?
Duration=0.11922597885132 secs.