Texts

Help

Select a text:
Bibliography
Select a chapter:
 1 revision
Associated topic(s): Agni

Show parallels  Show headlines
Use dependency labeler
Chapter id: 9854
  • Click on a sentence to show its analysis
  • Keep the mouse pointer over a lemma to show its meanings.
agniḥ saptiṃ vājambharaṃ dadāty agnir vīraṃ śrutyaṃ karmaniṣṭhām / (1.1) Par.?
agnī rodasī vi carat samañjann agnir nārīṃ vīrakukṣim purandhim // (1.2) Par.?
agner apnasaḥ samid astu bhadrāgnir mahī rodasī ā viveśa / (2.1) Par.?
agnir ekaṃ codayat samatsv agnir vṛtrāṇi dayate purūṇi // (2.2) Par.?
agnir ha tyaṃ jarataḥ karṇam āvāgnir adbhyo nir adahaj jarūtham / (3.1) Par.?
agnir atriṃ gharma uruṣyad antar agnir nṛmedham prajayāsṛjat sam // (3.2) Par.?
agnir dād draviṇaṃ vīrapeśā agnir ṛṣiṃ yaḥ sahasrā sanoti / (4.1) Par.?
agnir divi havyam ā tatānāgner dhāmāni vibhṛtā purutrā // (4.2) Par.?
agnim ukthair ṛṣayo vi hvayante 'gniṃ naro yāmani bādhitāsaḥ / (5.1) Par.?
agniṃ vayo antarikṣe patanto 'gniḥ sahasrā pari yāti gonām // (5.2) Par.?
agniṃ viśa īḍate mānuṣīr yā agnim manuṣo nahuṣo vi jātāḥ / (6.1) Par.?
agnir gāndharvīm pathyām ṛtasyāgner gavyūtir ghṛta ā niṣattā // (6.2) Par.?
agnaye brahma ṛbhavas tatakṣur agnim mahām avocāmā suvṛktim / (7.1) Par.?
agne prāva jaritāraṃ yaviṣṭhāgne mahi draviṇam ā yajasva // (7.2) Par.?
Duration=0.073413133621216 secs.