Texts

ayam agne jaritā tve abhūd api sahasaḥ sūno nahy anyad asty āpyam / (1.1) Par.?

bhadraṃ hi śarma trivarūtham asti ta āre hiṃsānām apa didyum ā kṛdhi // (1.2) Par.?

pravat te agne janimā pitūyataḥ sācīva viśvā bhuvanā ny ṛñjase / (2.1) Par.?

pra saptayaḥ pra saniṣanta no dhiyaḥ puraś caranti paśupā iva tmanā // (2.2) Par.?

uta vā u pari vṛṇakṣi bapsad bahor agna ulapasya svadhāvaḥ / (3.1) Par.?

uta khilyā urvarāṇām bhavanti mā te hetiṃ taviṣīṃ cukrudhāma // (3.2) Par.?

yad udvato nivato yāsi bapsat pṛthag eṣi pragardhinīva senā / (4.1) Par.?

yadā te vāto anuvāti śocir vapteva śmaśru vapasi pra bhūma // (4.2) Par.?

praty asya śreṇayo dadṛśra ekaṃ niyānam bahavo rathāsaḥ / (5.1) Par.?

bāhū yad agne anumarmṛjāno nyaṅṅ uttānām anveṣi bhūmim // (5.2) Par.?

ut te śuṣmā jihatām ut te arcir ut te agne śaśamānasya vājāḥ / (6.1) Par.?

ucchvañcasva ni nama vardhamāna ā tvādya viśve vasavaḥ sadantu // (6.2) Par.?

apām idaṃ nyayanaṃ samudrasya niveśanam / (7.1) Par.?

anyaṃ kṛṇuṣvetaḥ panthāṃ tena yāhi vaśāṁ anu // (7.2) Par.?

āyane te parāyaṇe dūrvā rohantu puṣpiṇīḥ / (8.1) Par.?

hradāś ca puṇḍarīkāṇi samudrasya gṛhā ime // (8.2) Par.?