Texts

te tu tāṃ rajanīm uṣya brāhmaṇā vedapāragāḥ / (1.1) Par.?

upatasthur upasthānaṃ saharājapurohitāḥ // (1.2) Par.?

amātyā balamukhyāś ca mukhyā ye nigamasya ca / (2.1) Par.?

rāghavasyābhiṣekārthe prīyamāṇās tu saṃgatāḥ // (2.2) Par.?

udite vimale sūrye puṣye cābhyāgate 'hani / (3.1) Par.?

abhiṣekāya rāmasya dvijendrair upakalpitam // (3.2) Par.?

kāñcanā jalakumbhāś ca bhadrapīṭhaṃ svalaṃkṛtam / (4.1) Par.?

rāmaś ca samyagāstīrṇo bhāsvatā vyāghracarmaṇā // (4.2) Par.?

gaṅgāyamunayoḥ puṇyāt saṃgamād āhṛtaṃ jalam / (5.1) Par.?

yāś cānyāḥ saritaḥ puṇyā hradāḥ kūpāḥ sarāṃsi ca // (5.2) Par.?

prāgvāhāś cordhvavāhāś ca tiryagvāhāḥ samāhitāḥ / (6.1) Par.?

tābhyaś caivāhṛtaṃ toyaṃ samudrebhyaś ca sarvaśaḥ // (6.2) Par.?

kṣaudraṃ dadhighṛtaṃ lājā darbhāḥ sumanasaḥ payaḥ / (7.1) Par.?

salājāḥ kṣīribhiś channā ghaṭāḥ kāñcanarājatāḥ / (7.2) Par.?

padmotpalayutā bhānti pūrṇāḥ paramavāriṇā // (7.3) Par.?

candrāṃśuvikacaprakhyaṃ pāṇḍuraṃ ratnabhūṣitam / (8.1) Par.?

sajjaṃ tiṣṭhati rāmasya vālavyajanam uttamam // (8.2) Par.?

candramaṇḍalasaṃkāśam ātapatraṃ ca pāṇḍuram / (9.1) Par.?

sajjaṃ dyutikaraṃ śrīmad abhiṣekapuraskṛtam // (9.2) Par.?

pāṇḍuraś ca vṛṣaḥ sajjaḥ pāṇḍurāśvaś ca susthitaḥ / (10.1) Par.?

prasrutaś ca gajaḥ śrīmān aupavāhyaḥ pratīkṣate // (10.2) Par.?

aṣṭau kanyāś ca maṅgalyāḥ sarvābharaṇabhūṣitāḥ / (11.1) Par.?

vāditrāṇi ca sarvāṇi bandinaś ca tathāpare // (11.2) Par.?

ikṣvākūṇāṃ yathā rājye saṃbhriyetābhiṣecanam / (12.1) Par.?

tathā jātīyam ādāya rājaputrābhiṣecanam // (12.2) Par.?

te rājavacanāt tatra samavetā mahīpatim / (13.1) Par.?

apaśyanto 'bruvan ko nu rājño naḥ prativedayet // (13.2) Par.?

na paśyāmaś ca rājānam uditaś ca divākaraḥ / (14.1) Par.?

yauvarājyābhiṣekaś ca sajjo rāmasya dhīmataḥ // (14.2) Par.?

iti teṣu bruvāṇeṣu sārvabhaumān mahīpatīn / (15.1) Par.?

abravīt tān idaṃ sarvān sumantro rājasatkṛtaḥ // (15.2) Par.?

ayaṃ pṛcchāmi vacanāt sukham āyuṣmatām aham / (16.1) Par.?

rājñaḥ saṃpratibuddhasya yac cāgamanakāraṇam // (16.2) Par.?

ity uktvāntaḥpuradvāram ājagāma purāṇavit / (17.1) Par.?

āśirbhir guṇayuktābhir abhituṣṭāva rāghavam // (17.2) Par.?

gatā bhagavatī rātrirahaḥ śivam upasthitam / (18.1) Par.?

budhyasva nṛpaśārdūla kuru kāryam anantaram // (18.2) Par.?

brāhmaṇā balamukhyāś ca naigamāś cāgatā nṛpa / (19.1) Par.?

darśanaṃ pratikāṅkṣante pratibudhyasva rāghava // (19.2) Par.?

stuvantaṃ taṃ tadā sūtaṃ sumantraṃ mantrakovidam / (20.1) Par.?

pratibudhya tato rājā idaṃ vacanam abravīt // (20.2) Par.?

na caiva saṃprasupto 'ham ānayed āśu rāghavam / (21.1) Par.?

iti rājā daśarathaḥ sūtaṃ tatrānvaśāt punaḥ // (21.2) Par.?

sa rājavacanaṃ śrutvā śirasā pratipūjya tam / (22.1) Par.?

nirjagāma nṛpāvāsān manyamānaḥ priyaṃ mahat // (22.2) Par.?

prapanno rājamārgaṃ ca patākādhvajaśobhitam / (23.1) Par.?

sa sūtas tatra śuśrāva rāmādhikaraṇāḥ kathāḥ // (23.2) Par.?

tato dadarśa ruciraṃ kailāsasadṛśaprabham / (24.1) Par.?

rāmaveśma sumantras tu śakraveśmasamaprabham // (24.2) Par.?

mahākapāṭapihitaṃ vitardiśataśobhitam / (25.1) Par.?

kāñcanapratimaikāgraṃ maṇividrumatoraṇam // (25.2) Par.?

śāradābhraghanaprakhyaṃ dīptaṃ meruguhopamam / (26.1) Par.?

dāmabhir varamālyānāṃ sumahadbhir alaṃkṛtam // (26.2) Par.?

sa vājiyuktena rathena sārathir narākulaṃ rājakulaṃ vilokayan / (27.1) Par.?

tataḥ samāsādya mahādhanaṃ mahat prahṛṣṭaromā sa babhūva sārathiḥ // (27.2) Par.?

tad adrikūṭācalameghasaṃnibhaṃ mahāvimānottamaveśmasaṃghavat / (28.1) Par.?

avāryamāṇaḥ praviveśa sārathiḥ prabhūtaratnaṃ makaro yathārṇavam // (28.2) Par.?