Texts

rāmo 'pi rātriśeṣeṇa tenaiva mahad antaram / (1.1) Par.?

jagāma puruṣavyāghraḥ pitur ājñām anusmaran // (1.2) Par.?

tathaiva gacchatas tasya vyapāyād rajanī śivā / (2.1) Par.?

upāsya sa śivāṃ saṃdhyāṃ viṣayāntaṃ vyagāhata // (2.2) Par.?

grāmān vikṛṣṭasīmāṃs tān puṣpitāni vanāni ca / (3.1) Par.?

paśyann atiyayau śīghraṃ śarair iva hayottamaiḥ // (3.2) Par.?

śṛṇvan vāco manuṣyāṇāṃ grāmasaṃvāsavāsinām / (4.1) Par.?

rājānaṃ dhig daśarathaṃ kāmasya vaśam āgatam // (4.2) Par.?

hā nṛśaṃsādya kaikeyī pāpā pāpānubandhinī / (5.1) Par.?

tīkṣṇā saṃbhinnamaryādā tīkṣṇe karmaṇi vartate // (5.2) Par.?

yā putram īdṛśaṃ rājñaḥ pravāsayati dhārmikam / (6.1) Par.?

vanavāse mahāprājñaṃ sānukrośam atandritam // (6.2) Par.?

etā vāco manuṣyāṇāṃ grāmasaṃvāsavāsinām / (7.1) Par.?

śṛṇvann atiyayau vīraḥ kosalān kosaleśvaraḥ // (7.2) Par.?

tato vedaśrutiṃ nāma śivavārivahāṃ nadīm / (8.1) Par.?

uttīryābhimukhaḥ prāyād agastyādhyuṣitāṃ diśam // (8.2) Par.?

gatvā tu suciraṃ kālaṃ tataḥ śītajalāṃ nadīm / (9.1) Par.?

gomatīṃ goyutānūpām atarat sāgaraṃgamām // (9.2) Par.?

gomatīṃ cāpy atikramya rāghavaḥ śīghragair hayaiḥ / (10.1) Par.?

mayūrahaṃsābhirutāṃ tatāra syandikāṃ nadīm // (10.2) Par.?

sa mahīṃ manunā rājñā dattām ikṣvākave purā / (11.1) Par.?

sphītāṃ rāṣṭrāvṛtāṃ rāmo vaidehīm anvadarśayat // (11.2) Par.?

sūta ity eva cābhāṣya sārathiṃ tam abhīkṣṇaśaḥ / (12.1) Par.?

haṃsamattasvaraḥ śrīmān uvāca puruṣarṣabhaḥ // (12.2) Par.?

kadāhaṃ punar āgamya sarayvāḥ puṣpite vane / (13.1) Par.?

mṛgayāṃ paryaṭiṣyāmi mātrā pitrā ca saṃgataḥ // (13.2) Par.?

nātyartham abhikāṅkṣāmi mṛgayāṃ sarayūvane / (14.1) Par.?

ratir hy eṣātulā loke rājarṣigaṇasaṃmatā // (14.2) Par.?

sa tam adhvānam aikṣvākaḥ sūtaṃ madhurayā girā / (15.1) Par.?

taṃ tam artham abhipretya yayau vākyam udīrayan // (15.2) Par.?