Texts

te rāvaṇavadhaṃ dṛṣṭvā devagandharvadānavāḥ / (1.1) Par.?

jagmustaistair vimānaiḥ svaiḥ kathayantaḥ śubhāḥ kathāḥ // (1.2) Par.?

rāvaṇasya vadhaṃ ghoraṃ rāghavasya parākramam / (2.1) Par.?

suyuddhaṃ vānarāṇāṃ ca sugrīvasya ca mantritam // (2.2) Par.?

anurāgaṃ ca vīryaṃ ca saumitrer lakṣmaṇasya ca / (3.1) Par.?

kathayanto mahābhāgā jagmur hṛṣṭā yathāgatam // (3.2) Par.?

rāghavastu rathaṃ divyam indradattaṃ śikhiprabham / (4.1) Par.?

anujñāya mahābhāgo mātaliṃ pratyapūjayat // (4.2) Par.?

rāghaveṇābhyanujñāto mātaliḥ śakrasārathiḥ / (5.1) Par.?

divyaṃ taṃ ratham āsthāya divam evāruroha saḥ // (5.2) Par.?

tasmiṃstu divam ārūḍhe surasārathisattame / (6.1) Par.?

rāghavaḥ paramaprītaḥ sugrīvaṃ pariṣasvaje // (6.2) Par.?

pariṣvajya ca sugrīvaṃ lakṣmaṇenābhivāditaḥ / (7.1) Par.?

pūjyamāno hariśreṣṭhair ājagāma balālayam // (7.2) Par.?

abravīcca tadā rāmaḥ samīpaparivartinam / (8.1) Par.?

saumitriṃ sattvasampannaṃ lakṣmaṇaṃ dīptatejasaṃ // (8.2) Par.?

vibhīṣaṇam imaṃ saumya laṅkāyām abhiṣecaya / (9.1) Par.?

anuraktaṃ ca bhaktaṃ ca mama caivopakāriṇam // (9.2) Par.?

eṣa me paramaḥ kāmo yad imaṃ rāvaṇānujam / (10.1) Par.?

laṅkāyāṃ saumya paśyeyam abhiṣiktaṃ vibhīṣaṇam // (10.2) Par.?

evam uktastu saumitrī rāghaveṇa mahātmanā / (11.1) Par.?

tathetyuktvā tu saṃhṛṣṭaḥ sauvarṇaṃ ghaṭam ādade // (11.2) Par.?

ghaṭena tena saumitrir abhyaṣiñcad vibhīṣaṇam / (12.1) Par.?

laṅkāyāṃ rakṣasāṃ madhye rājānaṃ rāmaśāsanāt // (12.2) Par.?

abhyaṣiñcat sa dharmātmā śuddhātmānaṃ vibhīṣaṇam / (13.1) Par.?

tasyāmātyā jahṛṣire bhaktā ye cāsya rākṣasāḥ // (13.2) Par.?

dṛṣṭvābhiṣiktaṃ laṅkāyāṃ rākṣasendraṃ vibhīṣaṇam / (14.1) Par.?

rāghavaḥ paramāṃ prītiṃ jagāma sahalakṣmaṇaḥ // (14.2) Par.?

sa tad rājyaṃ mahat prāpya rāmadattaṃ vibhīṣaṇaḥ / (15.1) Par.?

prakṛtīḥ sāntvayitvā ca tato rāmam upāgamat // (15.2) Par.?

akṣatānmodakāṃllājān divyāḥ sumanasastathā / (16.1) Par.?

ājahrur atha saṃhṛṣṭāḥ paurāstasmai niśācarāḥ // (16.2) Par.?

sa tān gṛhītvā durdharṣo rāghavāya nyavedayat / (17.1) Par.?

maṅgalyaṃ maṅgalaṃ sarvaṃ lakṣmaṇāya ca vīryavān // (17.2) Par.?

kṛtakāryaṃ samṛddhārthaṃ dṛṣṭvā rāmo vibhīṣaṇam / (18.1) Par.?

pratijagrāha tat sarvaṃ tasyaiva priyakāmyayā // (18.2) Par.?

tataḥ śailopamaṃ vīraṃ prāñjaliṃ pārśvataḥ sthitam / (19.1) Par.?

abravīd rāghavo vākyaṃ hanūmantaṃ plavaṃgamam // (19.2) Par.?

anumānya mahārājam imaṃ saumya vibhīṣaṇam / (20.1) Par.?

praviśya rāvaṇagṛhaṃ vinayenopasṛtya ca // (20.2) Par.?

vaidehyā māṃ kuśalinaṃ sasugrīvaṃ salakṣmaṇam / (21.1) Par.?

ācakṣva jayatāṃ śreṣṭha rāvaṇaṃ ca mayā hatam // (21.2) Par.?

priyam etad udāhṛtya maithilyāstvaṃ harīśvara / (22.1) Par.?

pratigṛhya ca saṃdeśam upāvartitum arhasi // (22.2) Par.?