Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4882
  • Click on a sentence to show its analysis
  • Keep the mouse pointer over a lemma to show its meanings.
atha nāvaṃ suvistīrṇāṃ naiṣādīṃ rāghavānujaḥ / (1.1) Par.?
āruroha samāyuktāṃ pūrvam āropya maithilīm // (1.2) Par.?
sumantraṃ caiva sarathaṃ sthīyatām iti lakṣmaṇaḥ / (2.1) Par.?
uvāca śokasaṃtaptaḥ prayāhīti ca nāvikam // (2.2) Par.?
tatastīram upāgamya bhāgīrathyāḥ sa lakṣmaṇaḥ / (3.1) Par.?
uvāca maithilīṃ vākyaṃ prāñjalir bāṣpagadgadaḥ // (3.2) Par.?
hṛdgataṃ me mahacchalyaṃ yad asmyāryeṇa dhīmatā / (4.1) Par.?
asminnimitte vaidehi lokasya vacanīkṛtaḥ // (4.2) Par.?
śreyo hi maraṇaṃ me 'dya mṛtyor vā yat paraṃ bhavet / (5.1) Par.?
na cāsminn īdṛśe kārye niyojyo lokanindite // (5.2) Par.?
prasīda na ca me roṣaṃ kartum arhasi suvrate / (6.1) Par.?
ityañjalikṛto bhūmau nipapāta sa lakṣmaṇaḥ // (6.2) Par.?
rudantaṃ prāñjaliṃ dṛṣṭvā kāṅkṣantaṃ mṛtyum ātmanaḥ / (7.1) Par.?
maithilī bhṛśasaṃvignā lakṣmaṇaṃ vākyam abravīt // (7.2) Par.?
kim idaṃ nāvagacchāmi brūhi tattvena lakṣmaṇa / (8.1) Par.?
paśyāmi tvāṃ ca na svastham api kṣemaṃ mahīpateḥ // (8.2) Par.?
śāpito 'si narendreṇa yat tvaṃ saṃtāpam ātmanaḥ / (9.1) Par.?
tad brūyāḥ saṃnidhau mahyam aham ājñāpayāmi te // (9.2) Par.?
vaidehyā codyamānastu lakṣmaṇo dīnacetanaḥ / (10.1) Par.?
avāṅmukho bāṣpagalo vākyam etad uvāca ha // (10.2) Par.?
śrutvā pariṣado madhye apavādaṃ sudāruṇam / (11.1) Par.?
pure janapade caiva tvatkṛte janakātmaje // (11.2) Par.?
na tāni vacanīyāni mayā devi tavāgrataḥ / (12.1) Par.?
yāni rājñā hṛdi nyastānyamarṣaḥ pṛṣṭhataḥ kṛtaḥ // (12.2) Par.?
sā tvaṃ tyaktā nṛpatinā nirdoṣā mama saṃnidhau / (13.1) Par.?
paurāpavādabhītena grāhyaṃ devi na te 'nyathā // (13.2) Par.?
āśramānteṣu ca mayā tyaktavyā tvaṃ bhaviṣyasi / (14.1) Par.?
rājñaḥ śāsanam ājñāya tavaivaṃ kila daurhṛdam // (14.2) Par.?
tad etajjāhnavītīre brahmarṣīṇāṃ tapovanam / (15.1) Par.?
puṇyaṃ ca ramaṇīyaṃ ca mā viṣādaṃ kṛthāḥ śubhe // (15.2) Par.?
rājño daśarathasyaiṣa pitur me munipuṃgavaḥ / (16.1) Par.?
sakhā paramako vipro vālmīkiḥ sumahāyaśāḥ // (16.2) Par.?
pādacchāyām upāgamya sukham asya mahātmanaḥ / (17.1) Par.?
upavāsaparaikāgrā vasa tvaṃ janakātmaje // (17.2) Par.?
pativratātvam āsthāya rāmaṃ kṛtvā sadā hṛdi / (18.1) Par.?
śreyaste paramaṃ devi tathā kṛtvā bhaviṣyati // (18.2) Par.?
Duration=0.11388206481934 secs.