Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5019
  • Click on a sentence to show its analysis
  • Keep the mouse pointer over a lemma to show its meanings.
etad ākhyāya rāmāya maharṣiḥ kumbhasaṃbhavaḥ / (1.1) Par.?
asyām evāparaṃ vākyaṃ kathāyām upacakrame // (1.2) Par.?
tataḥ sa daṇḍaḥ kākutstha bahuvarṣagaṇāyutam / (2.1) Par.?
akarot tatra mandātmā rājyaṃ nihatakaṇṭakam // (2.2) Par.?
atha kāle tu kasmiṃścid rājā bhārgavam āśramam / (3.1) Par.?
ramaṇīyam upākrāmaccaitre māsi manorame // (3.2) Par.?
tatra bhārgavakanyāṃ sa rūpeṇāpratimāṃ bhuvi / (4.1) Par.?
vicarantīṃ vanoddeśe daṇḍo 'paśyad anuttamām // (4.2) Par.?
sa dṛṣṭvā tāṃ sudurmedhā anaṅgaśarapīḍitaḥ / (5.1) Par.?
abhigamya susaṃvignaḥ kanyāṃ vacanam abravīt // (5.2) Par.?
kutastvam asi suśroṇi kasya vāsi sutā śubhe / (6.1) Par.?
pīḍito 'ham anaṅgena pṛcchāmi tvāṃ sumadhyame // (6.2) Par.?
tasya tvevaṃ bruvāṇasya mohonmattasya kāminaḥ / (7.1) Par.?
bhārgavī pratyuvācedaṃ vacaḥ sānunayaṃ nṛpam // (7.2) Par.?
bhārgavasya sutāṃ viddhi devasyākliṣṭakarmaṇaḥ / (8.1) Par.?
arajāṃ nāma rājendra jyeṣṭhām āśramavāsinīm // (8.2) Par.?
guruḥ pitā me rājendra tvaṃ ca śiṣyo mahātmanaḥ / (9.1) Par.?
vyasanaṃ sumahat kruddhaḥ sa te dadyānmahātapāḥ // (9.2) Par.?
yadi vātra mayā kāryaṃ dharmadṛṣṭena satpathā / (10.1) Par.?
varayasva nṛpa śreṣṭha pitaraṃ me mahādyutim // (10.2) Par.?
anyathā tu phalaṃ tubhyaṃ bhaved ghorābhisaṃhitam / (11.1) Par.?
krodhena hi pitā me 'sau trailokyam api nirdahet // (11.2) Par.?
evaṃ bruvāṇām arajāṃ daṇḍaḥ kāmaśarārditaḥ / (12.1) Par.?
pratyuvāca madonmattaḥ śirasyādhāya so 'ñjalim // (12.2) Par.?
prasādaṃ kuru suśroṇi na kālaṃ kṣeptum arhasi / (13.1) Par.?
tvatkṛte hi mama prāṇā vidīryante śubhānane // (13.2) Par.?
tvāṃ prāpya hi vadho vāpi pāpaṃ vāpi sudāruṇam / (14.1) Par.?
bhaktaṃ bhajasva māṃ bhīru bhajamānaṃ suvihvalam // (14.2) Par.?
evam uktvā tu tāṃ kanyāṃ dorbhyāṃ gṛhya balād balī / (15.1) Par.?
visphurantīṃ yathākāmaṃ maithunāyopacakrame // (15.2) Par.?
tam anarthaṃ mahāghoraṃ daṇḍaḥ kṛtvā sudāruṇam / (16.1) Par.?
nagaraṃ prayayau cāśu madhumantam anuttamam // (16.2) Par.?
arajāpi rudantī sā āśramasyāvidūrataḥ / (17.1) Par.?
pratīkṣate susaṃtrastā pitaraṃ devasaṃnibham // (17.2) Par.?
Duration=0.12413215637207 secs.