Texts

vidura uvāca / (1.1) Par.?

rājan bahumataścāsi trailokyasyāpi sattamaḥ / (1.2) Par.?

saṃbhāvitaśca lokasya saṃmataścāsi bhārata // (1.3) Par.?

yat tvam evaṃgate brūyāḥ paścime vayasi sthitaḥ / (2.1) Par.?

śāstrād vā supratarkād vā susthiraḥ sthaviro hyasi // (2.2) Par.?

lekhāśmanīva bhāḥ sūrye mahormir iva sāgare / (3.1) Par.?

dharmastvayi mahān rājann iti vyavasitāḥ prajāḥ // (3.2) Par.?

sadaiva bhāvito loko guṇaughaistava pārthiva / (4.1) Par.?

guṇānāṃ rakṣaṇe nityaṃ prayatasva sabāndhavaḥ // (4.2) Par.?

ārjavaṃ pratipadyasva mā bālyād bahudhā naśīḥ / (5.1) Par.?

rājyaṃ putrāṃśca pautrāṃśca suhṛdaścāpi supriyān // (5.2) Par.?

yat tvaṃ ditsasi kṛṣṇāya rājann atithaye bahu / (6.1) Par.?

etad anyacca dāśārhaḥ pṛthivīm api cārhati // (6.2) Par.?

na tu tvaṃ dharmam uddiśya tasya vā priyakāraṇāt / (7.1) Par.?

etad icchasi kṛṣṇāya satyenātmānam ālabhe // (7.2) Par.?

māyaiṣātattvam evaitacchadmaitad bhūridakṣiṇa / (8.1) Par.?

jānāmi te mataṃ rājan gūḍhaṃ bāhyena karmaṇā // (8.2) Par.?

pañca pañcaiva lipsanti grāmakān pāṇḍavā nṛpa / (9.1) Par.?

na ca ditsasi tebhyastāṃstacchamaṃ kaḥ kariṣyati // (9.2) Par.?

arthena tu mahābāhuṃ vārṣṇeyaṃ tvaṃ jihīrṣasi / (10.1) Par.?

anenaivābhyupāyena pāṇḍavebhyo bibhitsasi // (10.2) Par.?

na ca vittena śakyo 'sau nodyamena na garhayā / (11.1) Par.?

anyo dhanaṃjayāt kartum etat tattvaṃ bravīmi te // (11.2) Par.?

veda kṛṣṇasya māhātmyaṃ vedāsya dṛḍhabhaktitām / (12.1) Par.?

atyājyam asya jānāmi prāṇais tulyaṃ dhanaṃjayam // (12.2) Par.?

anyat kumbhād apāṃ pūrṇād anyat pādāvasecanāt / (13.1) Par.?

anyat kuśalasaṃpraśnānnaiṣiṣyati janārdanaḥ // (13.2) Par.?

yat tvasya priyam ātithyaṃ mānārhasya mahātmanaḥ / (14.1) Par.?

tad asmai kriyatāṃ rājanmānārho hi janārdanaḥ // (14.2) Par.?

āśaṃsamānaḥ kalyāṇaṃ kurūn abhyeti keśavaḥ / (15.1) Par.?

yenaiva rājann arthena tad evāsmā upākuru // (15.2) Par.?

śamam icchati dāśārhastava duryodhanasya ca / (16.1) Par.?

pāṇḍavānāṃ ca rājendra tad asya vacanaṃ kuru // (16.2) Par.?

pitāsi rājan putrāste vṛddhastvaṃ śiśavaḥ pare / (17.1) Par.?

vartasva pitṛvat teṣu vartante te hi putravat // (17.2) Par.?