Texts

yudhiṣṭhira uvāca / (1.1) Par.?

kathaṃ sarvamidaṃ proktaṃ prayāgasya mahāmune / (1.2) Par.?

etannaḥ sarvamākhyāhi yathā hi mama tārayet // (1.3) Par.?

mārkaṇḍeya uvāca / (2.1) Par.?

śṛṇu rājanprayāge tu proktaṃ sarvamidaṃ jagat / (2.2) Par.?

brahmā viṣṇustatheśāno devatāḥ prabhuravyayaḥ // (2.3) Par.?

brahmā sṛjati bhūtāni sthāvaraṃ jaṅgamaṃ ca yat / (3.1) Par.?

tānyetāni paraṃ loke viṣṇuḥ saṃvardhate prajāḥ // (3.2) Par.?

kalpānte tatsamagraṃ hi rudraḥ saṃharate jagat / (4.1) Par.?

tadā prayāgatīrthaṃ ca na kadācidvinaśyati // (4.2) Par.?

īśvaraḥ sarvabhūtānāṃ yaḥ paśyati sa paśyati / (5.1) Par.?

yatnenānena tiṣṭhanti te yānti paramāṃ gatim // (5.2) Par.?

yudhiṣṭhira uvāca / (6.1) Par.?

ākhyāhi me yathātathyaṃ yathaiṣā tiṣṭhati śrutiḥ / (6.2) Par.?

kena vā kāraṇenaiva tiṣṭhante lokasattamāḥ // (6.3) Par.?

mārkaṇḍeya uvāca / (7.1) Par.?

prayāge nivasantyete brahmaviṣṇumaheśvarāḥ / (7.2) Par.?

kāraṇaṃ tatpravakṣyāmi śṛṇu tattvaṃ yudhiṣṭhira // (7.3) Par.?

pañcayojanavistīrṇaṃ prayāgasya tu maṇḍalam / (8.1) Par.?

tiṣṭhanti rakṣaṇāyātra pāpakarmanivāraṇāt // (8.2) Par.?

uttareṇa pratiṣṭhānācchadmanā brahma tiṣṭhati / (9.1) Par.?

veṇīmādhavarūpī tu bhagavāṃstatra tiṣṭhati // (9.2) Par.?

māheśvaro vaṭo bhūtvā tiṣṭhate parameśvaraḥ / (10.1) Par.?

tato devāḥ sagandharvāḥ siddhāśca paramarṣayaḥ / (10.2) Par.?

rakṣanti maṇḍalaṃ nityaṃ pāpakarmanivāraṇāt // (10.3) Par.?

yasmiñjuhvansvakaṃ pāpaṃ narakaṃ ca na paśyati / (11.1) Par.?

evaṃ brahmā ca viṣṇuśca prayāge sa maheśvaraḥ // (11.2) Par.?

saptadvīpāḥ samudrāśca parvatāśca mahītale / (12.1) Par.?

rakṣamāṇāśca tiṣṭhanti yāvadābhūtasaṃplavam // (12.2) Par.?

ye cānye bahavaḥ sarve tiṣṭhanti ca yudhiṣṭhira / (13.1) Par.?

yat pṛthivī tatsamāśritya nirmitā daivatais tribhiḥ // (13.2) Par.?

prajāpateridaṃ kṣetraṃ prayāgamiti viśrutam / (14.1) Par.?

etatpuṇyaṃ pavitraṃ vai prayāgaṃ ca yudhiṣṭhira / (14.2) Par.?

svarājyaṃ kuru rājendra bhrātṛbhiḥ sahito'nagha // (14.3) Par.?