Texts

Help

Select a text:
Bibliography

Select a chapter:
2 revisions
Show parallels Show headlines
Use dependency labeler

Chapter id: 4661

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchettu rājendra kalhoḍītīrthamuttamam / (1.2) Par.?

vikhyātaṃ bhārate loke gaṅgāyāḥ pāpanāśanam // (1.3) Par.?

durlabhaṃ manujaiḥ pārtha revātaṭasamāśritam / (2.1) Par.?

prāṇināṃ pāpanāśāya ūṣaraṃ puṣkaraṃ tathā // (2.2) Par.?

tattu tīrthamidaṃ puṇyamityevaṃ śūlino vacaḥ / (3.1) Par.?

jāhnavī paśurūpeṇa tatra snānārthamāgatā // (3.2) Par.?

atastadviśrutaṃ loke kalhoḍītīrthamuttamam / (4.1) Par.?

trirātraṃ kārayettatra pūrṇimāyāṃ yudhiṣṭhira // (4.2) Par.?

rajastamastathā krodhaṃ dambhaṃ mātsaryameva ca / (5.1) Par.?

etāṃstyajati yaḥ pārtha tenāptaṃ mokṣajaṃ phalam // (5.2) Par.?

payasā snāpayed devaṃ trisandhyaṃ ca tryahaṃ tathā / (6.1) Par.?

payo gosambhavaṃ sadyaḥ savatsā jīvaputriṇī // (6.2) Par.?

kṛtvā tattāmraje pātre kṣaudreṇa caiva yojite / (7.1) Par.?

oṃ namaḥ śrīśivāyeti snānaṃ devasya kārayet // (7.2) Par.?

sa yāti tridaśasthānaṃ nākastrībhiḥ samāvṛtaḥ / (8.1) Par.?

yastatra vidhivatsnātvā dānaṃ preteṣu yacchati // (8.2) Par.?

śuklāṃ gāṃ dāpayet tatra prīyatāṃ me pitāmahāḥ / (9.1) Par.?

brāhmaṇe śaucasampanne svadāranirate sadā // (9.2) Par.?

savatsāṃ vastrasaṃyuktāṃ hiraṇyopari saṃsthitām / (10.1) Par.?

sattvayukto dadad rājañchāmbhavaṃ lokamāpnuyāt // (10.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe kalhoḍītīrthamāhātmyavarṇanaṃ nāma trinavatitamo 'dhyāyaḥ // (11.1) Par.?

Duration=0.054094076156616 secs.