Texts

atha somānalayantraṃ samāsata āha ūrdhvaṃ vahniriti // (1) Par.?

madhya iti // (2) Par.?

adhaḥpātre jalaṃ tadupari uttānaṃ śarāvādi dattvā tatra laghumūṣāmuttānāṃ dhṛtvā tanmadhye biḍaṃ biḍamadhye sagrāsaṃ pāradaṃ ca dattvā dṛḍhaṃ pidhānena pidhāya tadupari kharparaṃ dattvā tatrāgnir deyaḥ // (3) Par.?

iti vidhinā gaganasattvādikaṃ jārayediti // (4) Par.?

etadeva yantraṃ sanābhinālaṃ kṛtvāgnimadho dattvā nābhimadhye pāradaṃ sagrāsaṃ dattvā jārayediti prakārāntareṇa rasasāre 'bhihitam // (5) Par.?

tathā ca tatpāṭhaḥ / (6.1) Par.?

somānalasya yantrasya nābhimadhye rasaṃ kṣipet / (6.2) Par.?

dattvāṣṭāṃśaṃ biḍaṃ nābhiṃ kiṃcidamlena pūrayet // (6.3) Par.?

kṣārāmlaṃ tryūṣaṇaṃ mūtraṃ rājikā śigru citrakam / (7.1) Par.?

nālaṃ prapūrayed ebhir nābheścopari sādhakaḥ // (7.2) Par.?

dadyādupari yantrasya sacchidraṃ samabudhnakam / (8.1) Par.?

chidre ca dorakaṃ baddhvā amlaiḥ kharparapūraṇam // (8.2) Par.?

rasopari patedbinduḥ stokaṃ stokaṃ punaḥ punaḥ / (9.1) Par.?

yantrādhaḥ sthāpayedagnim ahorātratrayaṃ budhaḥ // (9.2) Par.?

tridinair jīryate grāsaṃ sūtako nātra saṃśayaḥ / (10.1) Par.?

iti // (10.2) Par.?

sacchidraṃ samabudhnakamiti kharparasya viśeṣaṇam // (11) Par.?

nālaṃ tu kṣārādipūritaṃ kṛtvā kharparacchidrasaṃmukham evocchritaṃ kāryamiti bhāvaḥ // (12) Par.?

etadeva yantraṃ nābhirahitaṃ kṛtvā vaiparītyenāgnijalasthāpanena prāptāgnīṣomākhyaṃ pāradabandhakaraṃ bhavatītyapi tadgranthe evābhihitam / (13.1) Par.?

athādho'gniruparyāpo madhye deyo raseśvaraḥ / (13.2) Par.?

agnīṣomākhyayantreṇa badhyate saptarātrataḥ // (13.3) Par.?

iti // (14) Par.?