Texts

ataḥ paraṃ gṛhasthasya karmācāraṃ kalau yuge / (1.1) Par.?

dharmaṃ sādhāraṇaṃ śaktyā cāturvarṇyāśramāgatam // (1.2) Par.?

taṃ pravakṣyāmy ahaṃ pūrvaṃ parāśaravaco yathā / (2.1) Par.?

ṣaṭkarmasahito vipraḥ kṛṣikarma ca kārayet // (2.2) Par.?

kṣudhitaṃ tṛṣitaṃ śrāntaṃ balīvardaṃ na yojayet / (3.1) Par.?

hīnāṅgaṃ vyādhitaṃ klībaṃ vṛṣaṃ vipro na vāhayet // (3.2) Par.?

sthirāṅgaṃ nīrujaṃ tṛptaṃ sunardaṃ ṣaṇḍhavarjitam / (4.1) Par.?

vāhayed divasasyārdhaṃ paścāt snānaṃ samācaret // (4.2) Par.?

japyaṃ devārcanaṃ homaṃ svādhyāyaṃ caivam abhyaset / (5.1) Par.?

ekadvitricaturviprān bhojayet snātakān dvijaḥ // (5.2) Par.?

svayaṃkṛṣṭe tathā kṣetre dhānyaiś ca svayamarjitaiḥ / (6.1) Par.?

nirvapet pañca yajñāṃś ca kratudīkṣāṃ ca kārayet // (6.2) Par.?

tilā rasā na vikreyā vikreyā dhānyatatsamāḥ / (7.1) Par.?

viprasyaivaṃvidhā vṛttis tṛṇakāṣṭhādivikrayaḥ // (7.2) Par.?

brāhmaṇaś cet kṛṣiṃ kuryāt tanmahādoṣam āpnuyāt / (8.1) Par.?

saṃvatsareṇa yat pāpaṃ matsyaghātī samāpnuyāt // (8.2) Par.?

ayomukhena kāṣṭhena tad ekāhena lāṅgalī / (9.1) Par.?

pāśako matsyaghātī ca vyādhaḥ śākunikas tathā // (9.2) Par.?

adātā karṣakaś caiva sarve te samabhāginaḥ / (10.1) Par.?

vṛkṣaṃ chittvā mahīṃ bhittvā hatvā ca kṛmikīṭakān // (10.2) Par.?

karṣakaḥ khalayajñena sarvapāpaiḥ pramucyate / (11.1) Par.?

yo na dadyād dvijātibhyo rāśimūlam upāgataḥ // (11.2) Par.?

sa cauraḥ sa ca pāpiṣṭho brahmaghnaṃ taṃ vinirdiśet / (12.1) Par.?

rājñe dattvā tu ṣaḍbhāgaṃ devānāṃ caikaviṃśakam // (12.2) Par.?

viprāṇāṃ triṃśakaṃ bhāgaṃ sarvapāpaiḥ pramucyate / (13.1) Par.?

kṣatriyo 'pi kṛṣiṃ kṛtvā devān viprāṃś ca pūjayet // (13.2) Par.?

vaiśyaḥ śūdras tathā kuryāt kṛṣivāṇijyaśilpakam / (14.1) Par.?

vikarma kurvate śūdrā dvijaśuśrūṣayojjhitāḥ // (14.2) Par.?

bhavanty alpāyuṣas te vai nirayaṃ yānty asaṃśayaṃ / (15.1) Par.?

caturṇām api varṇānām eṣa dharmaḥ sanātanaḥ // (15.2) Par.?