Texts

vikrīya paṇyaṃ mūlyena kretur yan na pradīyate / (1.1) Par.?

vikrīyāsaṃpradānaṃ tad vivādapadam ucyate // (1.2) Par.?

loke 'smin dvividhaṃ dravyaṃ jaṅgamaṃ sthāvaraṃ tathā / (2.1) Par.?

krayavikrayadharmeṣu sarvaṃ tat paṇyam ucyate // (2.2) Par.?

ṣaḍvidhas tasya tu budhair dānādānavidhiḥ smṛtaḥ / (3.1) Par.?

gaṇimaṃ tulimaṃ meyaṃ kriyayā rūpataḥ śriyā // (3.2) Par.?

vikrīya paṇyaṃ mūlyena kretur yo na prayacchati / (4.1) Par.?

sthāvarasya kṣayaṃ dāpyo jaṅgamasya kriyāphalam // (4.2) Par.?

arghaś ced apahīyeta sodayaṃ paṇyam āvahet / (5.1) Par.?

sthāyinām eṣa niyamo diglābho digvicāriṇām // (5.2) Par.?

upahanyeta vā paṇyaṃ dahyetāpahriyeta vā / (6.1) Par.?

vikretur eva so 'nartho vikrīyāsamprayacchataḥ // (6.2) Par.?

nirdoṣaṃ darśayitvā tu sadoṣaṃ yaḥ prayacchati / (7.1) Par.?

mūlyaṃ taddviguṇaṃ dāpyo vinayaṃ tāvad eva ca // (7.2) Par.?

tathānyahaste vikrīya yo 'nyasmai samprayacchati / (8.1) Par.?

so 'pi taddviguṇaṃ dāpyo vineyas tāvad eva ca // (8.2) Par.?

dīyamānaṃ na gṛhṇāti krītaṃ paṇyaṃ ca yaḥ krayī / (9.1) Par.?

vikrīṇānas tad anyatra vikretā nāparādhnuyāt // (9.2) Par.?

dattamūlyasya paṇyasya vidhir eṣa prakīrtitaḥ / (10.1) Par.?

adatte 'nyatra samayān na vikretur atikramaḥ // (10.2) Par.?

lābhārthe vaṇijāṃ sarvapaṇyeṣu krayavikrayaḥ / (11.1) Par.?

sa ca lābho 'rgham āsādya mahān bhavati vā na vā // (11.2) Par.?

tasmād deśe ca kāle ca vaṇig arghaṃ parākramet / (12.1) Par.?

na jihmena pravarteta śreyān evaṃ vaṇikpathaḥ // (12.2) Par.?