Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9586
  • Click on a sentence to show its analysis
  • Keep the mouse pointer over a lemma to show its meanings.
tata u ha bālākis tūṣṇīm āsa // (1) Par.?
taṃ hovācājātaśatruḥ etāvān nu bālākā3 iti // (2) Par.?
etāvad iti hovāca bālākiḥ // (3) Par.?
taṃ hovācājātaśatruḥ mṛṣā vai khalu mā saṃvādayiṣṭhā brahma te bravāṇīti // (4) Par.?
sa hovāca yo vai bālāka eteṣāṃ puruṣāṇāṃ kartā yasya vaitat karma sa vai veditavya iti // (5) Par.?
tata u ha bālākiḥ samitpāṇiḥ praticakrama upāyānīti // (6) Par.?
taṃ hovācājātaśatruḥ pratilomarūpam eva tan manye yat kṣatriyo brāhmaṇam upanayeta // (7) Par.?
ehi vyeva tvā jñapayiṣyāmīti // (8) Par.?
taṃ ha pāṇāvabhipadya pravavrāja // (9) Par.?
tau ha suptaṃ puruṣam ājagmatuḥ // (10) Par.?
taṃ hājātaśatrur āmantrayāṃcakre bṛhan pāṇḍaravāsaḥ soma rājann iti // (11) Par.?
sa u ha śiśya eva // (12) Par.?
tat u hainaṃ yaṣṭyā vicikṣepa // (13) Par.?
sa tata eva samuttasthau // (14) Par.?
taṃ hovācājātaśatruḥ kvaiṣa etad bālāke puruṣo 'śayiṣṭa yatraitad abhūt yata etad āgād iti // (15) Par.?
hitā nama puruṣasya nāḍyo hṛdayāt purītatam abhipratanvanti tad yathā sahasradhā keśo vipāṭitastvāvad aṇvyaḥ // (16) Par.?
piṅgalasyāṇimnyas tiṣṭhanti śuklasya kṛṣṇasya pītasya lohitasya ca // (17) Par.?
tāsu tadā bhavati yadā suptaḥ svapnaṃ na kaṃcana paśyati // (18) Par.?
Duration=0.054296970367432 secs.